இணையத்தில் லீக் ஆன ஐபோன் 12 சீரிஸ் விலை விவரம்

ஆப்பிள் நிறுவனத்தின் ஐபோன் 12 சீரிஸ் மாடல்கள் இந்த ஆண்டு அறிமுகம் செய்யப்பட இருக்கிறது. முன்னதாக ஐபோன் 12 சீரிஸ் விவரங்கள் இணையத்தில் வெளியாகி வருகிறது. 

இதுவரை கிடைத்திருக்கும் தகவல்களின் படி 6.1 இன்ச், அளவில் ஐபோன் 12, ஐபோன் 12 ப்ரோ மற்றும் 6.7 இன்ச் அளவில் ஐபோன் 12 ப்ரோ மேக்ஸ் என மொத்தம் மூன்று ஐபோன்கள் வெளியிடப்பட இருப்பதாக கூறப்படுகிறது. தற்சமயம் கிடைத்திருக்கும் தகவல்களில் புதிய ஐபோன் 12 சீரிஸ் விலை விவரங்கள் தெரியவந்துள்ளது. 

5.4 இன்ச் ஐபோன் 12 D52G எனும் குறியீட்டு பெயரில் உருவாகி வருவதாகவும், இதில் 5ஜி வசதி, இரண்டு கேமராக்கள் வழங்கப்பட இருப்பதாக கூறப்படுகிறது. இதன் விலை 649 டாலர்கள், இந்திய மதிப்பில் ரூ. 49,100 என நிர்ணயம் செய்யப்படலாம் என கூறப்படுகிறது.

இத்துடன் 6.1 இன்ச் ஐபோன் 12 D53G எனும் குறியீட்டு பெயரில் உருவாகி வருவதாகவும் இதன் விலை 749 டாலர்கள், இந்திய மதிப்பில் ரூ. 56,700 வரை நிர்ணயம் செய்யப்படலாம் என கூறப்படுகிறது. 6.1 இன்ச் ஐபோன் 12 ப்ரோ D53P எனும் குறியீட்டு பெயரில் உருவாகி வருவதாகவும், இதில் மூன்று கேமராக்கள், லிடார் சென்சார் வழங்கப்பட இருப்பதாக கூறப்படுகிறது.

இதன் விலை 999 டாலர்கள், இந்திய மதிப்பில் ரூ. 75,694 என நிர்ணயம் செய்யப்படலாம் என கூறப்படுகிறது. 6.7 இன்ச் ஐபோன் 12 ப்ரோ மேக்ஸ் D54P எனும் குறியீட்டு பெயரில் உருவாகி வருவதாகவும், இதில் ஐபோன் 12 ப்ரோ போன்ற கேமராக்கள் வழங்கப்படும் என கூறப்படுகிறது. இதன் விலை 1099 டாலர்கள், இந்திய மதிப்பில் ரூ. 83,200 என நிர்ணயம் செய்யப்படலாம் என கூறப்படுகிறது.