தொழில்நுட்பம்
சாம்சங் கேலக்ஸி இசட் ப்ளிப் 5ஜி வெளியீட்டு விவரம்
சாம்சங் நிறுவனத்தின் கேலக்ஸி இசட் ப்ளிப் 5ஜி ஸ்மார்ட்போனின் வெளியீட்டு விவரங்களை பார்ப்போம்.
சாம்சங் நிறுவனத்தின் கேலக்ஸி இசட் ப்ளிப் 5ஜி மடிக்கக்கூடிய ஸ்மார்ட்போன் விரைவில் வெளியாக இருப்பதாக கூறப்படுகிறது. அதன்படி புதிய 5ஜி வேரியண்ட் பிளாக் மற்றும் வைட் நிறங்களில் உருவாகி இருப்பதாக தகவல் வெளியாகியுள்ளது. புதிய 5ஜி வேரியண்ட் SM-F707B எனும் மாடல் நம்பர் கொண்டு உருவாக்கப்படுவதாக தெரிகிறது.
கேலக்ஸி இசட் ப்ளிப் ஸ்மார்ட்போன் SM-F700 எனும் மாடல் நம்பர் கொண்டிருந்தது. அந்த வகையில் புதிய SM-F707B மாடல் நம்பர் கொண்ட ஸ்மார்ட்போன் 5ஜி வேரியண்ட்டாக இருக்கும் என கூறப்படுகிறது.
கேலக்ஸி இசட் ப்ளிப் ஸ்மார்ட்போன் குவால்காம் ஸ்னாப்டிராகன் 855 பிராசஸர் கொண்டிருக்கிறது. இதனால் இது எல்டிஇ வசதி மட்டுமே கொண்டிருக்கிறது.
இதனால் புதிய ஸ்மார்ட்போனின் பிராசஸர் மாற்றப்படுமா என்ற கேள்வி எழுந்துள்ளது. முந்தைய தகவல்களின் படி கேலக்ஸி இசட் ப்ளிப் ஸ்மார்ட்போனின் 5ஜி வேரியண்ட் 256ஜிபி மெமரி கொண்டிருக்கும் என கூறப்பட்டது.