கார்த்திகை மாத அமாவாசையையொட்டி ஸ்ரீ விருட்ச பீடத்தில் சிறப்பு பூஜை

மேட்டுப்பாளையம் அருகே சிறுமுகை அடுத்துள்ள கிச்சகத்தியூரில் பிரசித்தி பெற்ற ஸ்ரீ விருட்ச பீடம் உள்ளது. இங்கு கார்த்திகை மாத அமாவாசையையொட்டி சிறப்பு அபிஷேக பூஜைகள் நடைபெற்றது. பத்ரகாளியம்மன், பஞ்சலிங்கங்கள், ஆதிபராசக்தி லிங்கம் என்னும் பாதாள லிங்கம் ஆகியவற்றுக்கு சிறப்பு அபிஷேக அலங்கார பூஜைகள், மகா தீபாராதனை நடைபெற்றன. 

நட்சத்திரங்களுக்கு உண்டான அதிதேவதைகள் மற்றும் 27 நட்சத்திரங்களுக்கு உண்டான சித்தர் சிலைகளுக்கு சிறப்பு பூஜைகள் தீபாராதனை நடந்தது. சிறப்பு பூஜைகளை ஸ்ரீ விருஷ பீட பீடாதிபதி லட்சுமி தாச சுவாமிகள் செய்திருந்தார். நிகழ்ச்சியில் முகக்கவசம் அணிந்தும், சமூக இடைவெளியை கடைப்பிடித்தும் திரளான பக்தர்கள் கலந்து கொண்டனர்.