விற்பனையில் புது மைல்கல் எட்டிய கியா கார்

கியா இந்தியா நிறுவனம் தனது சொனெட் எஸ்.யு.வி. மாடல் இந்திய விற்பனையில் ஒரு லட்சம் யூனிட்களை கடந்ததாக அறிவித்து இருக்கிறது. புது மைல்கல் விற்பனை துவங்கிய ஒரே வருடத்தில் எட்டப்பட்டுள்ளது. கியா இந்தியா நிறுவனத்தின் ஒட்டுமொத்த விற்பனையில் சொனெட் மாடல் மட்டும் 32 சதவீத பங்குகளை கொண்டுள்ளது.

இந்தியாவில் சொனெட் மாடல் 17 வேரியண்ட் மற்றும் பல்வேறு என்ஜின், டிரான்ஸ்மிஷன்களில் கிடைக்கிறது. சொனெட் மாடல் மொத்த விற்பனையில் டாப் எண்ட் ஜிடி லைன் 64 சதவீதமும், புதிய ஐ.எம்.டி. கியர்பாக்ஸ் மாடல் 26 சதவீதமும் பெற்று இருக்கிறது.

இந்த எஸ்.யு.வி. மாடலில் எல்.இ.டி. ஹெட்லேம்ப்கள், வாய்ஸ் கண்ட்ரோல் எலெக்ட்ரிக் சன்ரூப், யு.வி.ஓ. கனெக்டெட் கார் தொழில்நுட்பம், 10.25 இன்ச் தொடுதிரை வசதி கொண்ட இன்போடெயின்மெண்ட் சிஸ்டம் உள்ளிட்டவை வழங்கப்பட்டு இருக்கிறது.