திருப்பூர் மாநகராட்சியில் சுகாதார அலுவலர்கள் 4 பேர் திடீர் இடமாற்றம்

திருப்பூர்:

திருப்பூர் மாநகராட்சி கமிஷனராக பதவியேற்றுள்ள கிராந்திகுமார் பல்வேறு அதிரடி நடவடிக்கைகளை மேற்கொண்டு வருகிறார். 

அந்த வகையில் திருப்பூர் மாநகராட்சியில் நீண்ட நாட்களாக ஒரே பகுதியில் பணியாற்றிய 4 சுகாதார அலுவலர்களை அதிரடியாக இடமாற்றம் செய்து உத்தரவிட்டுள்ளார்.

அதன்படி திருப்பூர் 1 வது மண்டல சுகாதார அலுவலர் முருகன் 4 வது மண்டலத்திற்கும், 4 வது மண்டலத்தில் பணியாற்றிய ராஜேந்திரன் 1 வது மண்டலத்திற்கும், 2 வது மண்டலத்தில் பணியாற்றிய ராமசந்திரன் 3 வது மண்டலத்திற்கும், 3 வது மண்டலத்தில் பணியாற்றிய பிச்சை 2 வது மண்டலத்திற்கும் இடமாற்றம் செய்யப்பட்டுள்ளனர்.