மஹிந்திரா வாகனங்கள் விற்பனையில் சரிவு

மஹிந்திரா அண்ட் மஹிந்திரா நிறுவனம் 2021 ஆகஸ்ட் மாதத்தில் 30,585 யூனிட்களை விற்பனை செய்து இருக்கிறது. இதில் பயணிகள் வாகனங்கள், வணிக வாகனங்கள், வெளிநாடுகளுக்கு ஏற்றுமதி செய்யப்பட்ட வாகனங்கள் அடங்கும். 

ஜூலை 2021 மாதத்துடன் ஒப்பிடும் போது மஹிந்திராவின் மொத்த விற்பனை 28.8 சதவீதம் சரிவடைந்து இருக்கிறது. எனினும், முந்தைய ஆண்டு ஆகஸ்ட் மாதத்துடன் ஒப்பிடும் போது வாகன விற்பனை 17 சதவீதம் அதிகரித்து இருக்கிறது.

உள்நாட்டில் மஹிந்திரா நிறுவனம் 15,786 யுடிலிட்டி வாகனங்களை விற்பனை செய்துள்ளது. கார் மற்றும் வேன்கள் பிரிவில் 187 யூனிட்கள் விற்பனை செய்யப்பட்டு உள்ளன. வெளிநாடுகளுக்கு ஏற்றுமதி செய்யப்பட்ட யூனிட்கள் மொத்த எண்ணிக்கை 3,180 ஆகும்.