தொழில்நுட்பம்

ரூ. 12,999 விலையில் ஆண்ட்ராய்டு ஸ்மார்ட் டி.வி. இந்தியாவில் அறிமுகம்

Published On 2019-06-28 04:55 GMT | Update On 2019-06-28 04:55 GMT

ஜெர்மனியை சேர்ந்த தொழில்நுட்ப நிறுவனம் இந்தியாவில் மிகக்குறைந்த விலையில் ஆண்ட்ராய்டு ஸ்மார்ட் டி.வி. மாடல்களை அறிமுகம் செய்துள்ளது.

ஜெர்மனியை சேர்ந்த மெட்ஸ் நிறுவனம் இந்தியாவில் நான்கு புதிய ஆண்ட்ராய்டு ஸ்மார்ட் டி.வி. மாடல்களை அறிமுகம் செய்துள்ளது. புதிய ஸ்மார்ட் டி.வி. மாடல்களில் இன்பினிட்டி ரக டிஸ்ப்ளே வழங்கப்பட்டுள்ளது. மெட்ஸ் ஸ்மார்ட் டி.வி.க்களில் கூகுள் சான்று பெற்ற ஆண்ட்ராய்டு வசதி வழங்கப்பட்டிருப்பதால் இவை கூகுள் பிளே ஸ்டோரில் கிடைக்கும் பல லட்சம் செயலிகளை இயக்கும் வசதி கொண்டிருக்கின்றன.

மெட்ஸ் நிறுவனத்தின் புதிய ஸ்மார்ட் டி.வி.க்கள்:

- 32 இன்ச் (M32E6) ஹெச்.டி. ரெடி ஆண்ட்ராய்டு 8.0 இன்ஃபினிட்டி ஸ்கிரீன் டி.வி.

- 40 இன்ச் (M50E6) ஃபுல் ஹெச்.டி. ஆண்ட்ராய்டு 8.0 இன்ஃபினிட்டி ஸ்கிரீன் டி.வி.

- 50 இன்ச் (M50G2) 4K யு.ஹெச்.டி. ஆண்ட்ராய்டு 8.0 இன்ஃபினிட்டி ஸ்கிரீன் டி.வி. (நெட்ஃப்ளிக்ஸ் வசதியுடன்)

- 55 இன்ச் (M55G2) 4K யு.ஹெச்.டி. ஆண்ட்ராய்டு 8.0 இன்ஃபினிட்டி ஸ்கிரீன் டி.வி. (நெட்ஃப்ளிக்ஸ் வசதியுடன்)

நான்கு ஸ்மார்ட் டி.வி. மாடல்களிலும் ஆண்ட்ராய்டு 8.0 வெர்ஷன் கொண்டிருக்கிறது. இத்துடன் இவற்றில் கூகுள் அசிஸ்டண்ட், கூகுள் பிளே, நெட்ஃப்ளிக்ஸ் மற்றும் யூடியூப் போன்ற சேவைகளை இயக்கும் வசதி வழங்கப்பட்டுள்ளது. இதன் 50 இன்ச் மற்றும் 55 இன்ச் டி.வி.க்களில் 4K தரவுகளுக்கான வசதி கூடுதலாக வழங்கப்படுகிறது.

புதிய மெட்ஸ் ஸ்மார்ட் டி.வி. மாடல்கள் அமேசான் தளத்தில் விற்பனை செய்யப்படுகிறது. மெட்ஸ் 32 இன்ச், 40 இன்ச், 50 இன்ச் மற்றும் 55 இன்ச் மாடல்களின் விலை முறையே ரூ. 12,999, ரூ. 20,999, ரூ. 36,999, ரூ. 42,999 என நிர்ணயம் செய்யப்பட்டுள்ளது.