தொழில்நுட்பம்
விற்பனைக்கு வந்த ஒரே மாதத்தில் ரியல்மி ஸ்மார்ட்போன் விலை உயர்வு
ரியல்மி நிறுவனம் இம்மாத துவக்கத்தில் அறிமுகம் செய்த C25s ஸ்மார்ட்போனின் இந்திய விலை திடீரென மாற்றப்பட்டது.
ரியல்மி நிறுவனத்தின் புதிய C25s ஸ்மார்ட்போன் இம்மாத துவக்கத்தில் அறிமுகம் செய்யப்பட்டது. இது ஏற்கனவே அறிமுகம் செய்யப்பட்ட ரியல்மி C25 ஸ்மார்ட்போனின் மேம்பட்ட வெர்ஷன் ஆகும். இந்திய சந்தையில் விற்பனைக்கு வந்த ஒரே மாதத்தில் இதன் விலை உயர்த்தப்பட்டு இருக்கிறது.
விலை உயர்வின் படி ரியல்மி C25s 4ஜிபி + 64 ஜிபி மெமரி மாடல் விலை ரூ. 10,499 என்றும் 6 ஜிபி + 128 ஜிபி விலை ரூ. 11,499 என்றும் மாறி இருக்கிறது. இது முந்தைய விலையை விட ரூ. 500 அதிகம் ஆகும். உயர்த்தப்பட்ட புது விலை ரியல்மி மற்றும் ப்ளிப்கார்ட் வலைதளங்களில் மாற்றப்பட்டுவிட்டது.
அம்சங்களை பொருத்தவரை ரியல்மி C25s மாடலில் 6.5 இன்ச் ஹெச்டி பிளஸ் மினி டிராப் டிஸ்ப்ளே, ஹீலியோ ஜி85 பிராசஸர், அதிகபட்சம் 6 ஜிபி ரேம், ஆண்ட்ராய்டு 11 ஒஎஸ் சார்ந்த ரியல்மி யுஐ 2.0 வழங்கப்பட்டுள்ளது. இத்துடன் 13 எம்பி பிரைமரி கேமரா, 2 எம்பி மேக்ரோ, 2 எம்பி பிளாக் அண்ட் வைட் லென்ஸ், 8 எம்பி செல்பி கேமரா வழங்கப்பட்டுள்ளது.