இந்திய பெண்கள் ஹாக்கி அணி 3வது தோல்வி - ஒலிம்பிக்கில் ஏமாற்றம்

டோக்கியோ:

டோக்கியோ ஒலிம்பிக் போட்டிகள் விறுவிறுப்பாக நடைபெற்று வருகின்றன. இந்திய பெண்கள் ஹாக்கி அணி தனது முதல் லீக் ஆட்டத்தில் நெதர்லாந்து அணியிடம் 5-1 என்ற கோல்கணக்கிலும், ஜெர்மனியிடம் 2-0 என்ற கோல் கணக்கிலும் தோல்வி அடைந்தது.

 

இந்நிலையில், 3-வது லீக் ஆட்டத்தில் இன்று இங்கிலாந்து அணியை எதிர்கொண்டது. இப்போட்டியின் துவக்கத்தில் இருந்தே ஆதிக்கம் செலுத்திய இங்கிலாந்து அணி முதல் கால்பகுதியில் ஒரு கோல் அடித்தது. இந்திய அணியின் கோல் முயற்சியையும் தொடர்ந்து முறியடித்தது.

2வது கால்பகுதியில் இங்கிலாந்தும், இந்தியாவும் ஒரு கோல் அடித்தது. இதனால் 2-1 என இருந்தது. 3வது கால்பகுதியில் இங்கிலாந்து மேலும் ஒரு கோல் அடித்து 3-1 என முன்னிலை பெற்றது. 4வது கால்பகுதியில் இங்கிலாந்து மேலும் ஒரு கோல் அடித்தது. இறுதியில் இங்கிலாந்து 4-1 என்ற கணக்கில் இந்தியாவை வென்றது. 

இந்தியா அடுத்தடுத்து 3 ஆட்டங்களில் தோல்வி அடைந்துள்ளது.