இரண்டு இன்னிங்சிலும் சதம்: 3-வது இடத்திற்கு முன்னேறினார் ஸ்டீவ் ஸ்மித்

ஆஸ்திரேலிய அணியின் முன்னணி பேட்ஸ்மேனாக திகழ்பவர் ஸ்டீவ் ஸ்மித். பந்தை சேதப்படுத்திய விவாரகத்தில் சிக்கிய விவகாரத்தால் அவர் 18 மாதங்களாக டெஸ்ட் கிரிக்கெட் விளையாட முடியாத நிலை ஏற்பட்டது.

அதன்பின் முதன்முறையாக இங்கிலாந்துக்குக்கு எதிராக கடந்த 1-ந்தேதி எட்ஜ்பாஸ்டனில் தொடங்கிய முதல் ஆஷஸ் போட்டியில் களம் இறங்கினார். முதல் இன்னிங்சில் 144 ரன்களும், 2-வது இன்னிங்சில் 142 ரன்களும் விளாசி அசத்தினார். இந்த போட்டியில் ஆஸ்திரேலியா 251 ரன்கள் வித்தியாசத்தில் வெற்றி பெற முக்கிய காரணமாக இருந்தார்.

இதனால் ஆட்டநாயகன் விருதை தட்டிச் சென்றார். இதன்மூலம் ஐசிசியின் டெஸ்ட் பேட்ஸ்மேன்கள் தரவரிசையில் 3-வது இடத்திற்கு முன்னேறினார். இந்த போட்டிக்கு முன் 857 புள்ளிகளுடன் 4-வது இடத்தில் இருந்தார். தற்போது 900 புள்ளிகள் பெற்று 3-வது இடத்தில் உள்ளார்.

இந்திய அணி கேப்டன் விராட் கோலி 922 புள்ளிகளுடன் முதல் இடத்திலும், நியூசிலாந்து கேப்டன் கேன் வில்லியம்சன் 913 புள்ளிகளுடன் 2-வது இடத்தில் உள்ளார்.