இந்தியாவில் சாம்சங் ஸ்மார்ட்போனின் விலையில் திடீர் மாற்றம்

சாம்சங் நிறுவனம் கேலக்ஸி ஏ52 ஸ்மார்ட்போனினை இந்திய சந்தையில் மார்ச் மாத வாக்கில் அறிமுகம் செய்தது. இந்தியாவில் விற்பனைக்கு வந்து ஐந்து மாதங்கள் ஆகி விட்ட நிலையில், இந்த ஸ்மார்ட்போனின் விலை தற்போது உயர்த்தப்பட்டு இருக்கிறது.

இந்தியாவில் கேலக்ஸி ஏ52எஸ் 5ஜி மாடல் வெளியீட்டை தொடர்ந்து கேலக்ஸி ஏ52 விலை ரூ. 1,000 உயர்த்தப்பட்டுள்ளது. கேலக்ஸி ஏ52 மாடலின் புதிய விலை அந்நிறுவன வலைதளத்தில் ஏற்கனவே மாற்றப்பட்டு விட்டது. 

கேலக்ஸி ஏ52 - 6 ஜிபி + 128 ஜிபி ரூ. 27,499 

கேலக்ஸி ஏ52 - 8 ஜிபி + 128 ஜிபி ரூ. 28,999

அம்சங்களை பொருத்தவரை கேலக்ஸி ஏ52 மாடலில் 6.5 இன்ச் எப்.ஹெச்.டி. பிளஸ் இன்பினிட்டி ஒ சூப்பர் ஆமோலெட் டிஸ்ப்ளே, குவால்காம் ஸ்னாப்டிராகன் 720ஜி பிராசஸர், 4500 எம்.ஏ.ஹெச். பேட்டரி, 25 வாட் பாஸ்ட் சார்ஜிங் வசதி வழங்கப்பட்டு இருக்கிறது.