110 இன்ச் சாம்சங் மைக்ரோ-எல்இடி டிவி - விலை இவ்வளவு தானா?

சாம்சங் நிறுவனம் 110 இன்ச் மைக்ரோ-எல்இடி டிவியை அறிமுகம் செய்து உள்ளது. தற்சமயம் இந்த பிரமாண்ட டிவி மாடல் கொரிய சந்தையில் பிரீ-சேல் செய்யப்படுகிறது. 2021 ஆம் ஆண்டு வாக்கில் இந்த டிவி சர்வதேச சந்தையில் அறிமுகமாக இருக்கிறது.

முன்னதாக 2018 சர்வதேச நுகர்வோர் மின்சாதன விழாவில் சாம்சங் நிறுவனம் 146 இன்ச் அளவில் தி வால் எனும் டிவியை அறிமுகம் செய்து இருந்தது. எனினும், இது மாட்யூலர் வடிவில் பிரத்யேகமாக இன்ஸ்டால் செய்யக்கூடிய ஒன்றாக இருந்தது. புதிய 110 இன்ச் மாடல் வழக்கமான டிவி போன்று எளிதில் இன்ஸ்டால் செய்ய முடியும்.

புதிய 110 இன்ச் மைக்ரோஎல்இடி டிவியில் மைக்ரோமீட்டர் அளவு கொண்ட எல்இடி லைட்கள் வழங்கப்பட்டு உள்ளன. இதில் உள்ள மைக்ரோ-எல்இடி-க்கள் தரமான பொருட்களால் உருவாக்கப்பட்டு இருக்கின்றன. இது நீண்டகாலம் உழைக்கும் என சாம்சங் தெரிவித்து உள்ளது.

மேலும் இந்த டிவி 4K HDR தரவுகளை இயக்கும் வசதி கொண்டுள்ளது. இதன் டிஸ்ப்ளேவில் இருந்து பிளாக் மேட்ரிக்ஸ் மற்றும் பெசல்கள் கழற்றப்பட்டுவிட்டதாக சாம்சங் தெரிவித்து உள்ளது. இதில் உள்ள மல்டி-வியூ அம்சம் கொண்டு ஒரே சமயத்தில் 55 இன்ச் அளவில் நான்கு வெவ்வேறு தரவுகளை பார்க்க முடியும்.

இந்த டிவி 5.1 சேனல் சவுண்ட் வசதி கொண்டிருக்கிறது. 110 இன்ச் மைக்ரோ-எல்.இ.டி. டிவி மாடல் விலை 156,400 டாலர்கள் இந்திய மதிப்பில் ரூ. 1.15 கோடி என நிர்ணயம் செய்யப்பட்டு இருக்கிறது.