விநியோகத்தில் புதிய மைல்கல் எட்டிய ஹோண்டா ஹைனெஸ்

ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் தனது ஹைனெஸ் சிபி350 மாடல் ஆயிரத்திற்கும் அதிக யூனிட்கள் விநியோகம் செய்யப்பட்டு உள்ளதாக தெரிவித்து இருக்கிறது. 

இந்த மைல்கல் விநியோகம் துவங்கிய 20 நாட்களில் எட்டியதாக அந்நிறுவனம் தெரிவித்து இருக்கிறது. புதிய ஹோண்டா ஹைனெஸ் சிபி350 மோட்டார்சைக்கிள் டிஎல்எக்ஸ் மற்றும் டிஎலஎக்ஸ் ப்ரோ என இரண்டு வேரியண்ட்கள் மற்றும் மூன்று வித நிறங்களில் கிடைக்கிறது. 

இந்தியாவில் இவற்றின் விலை முறையே ரூ. 1.85 லட்சம் மற்றும் ரூ. 1.90 லட்சம் என நிர்ணயம் செய்யப்பட்டுள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

ஹோண்டா ஹைனெஸ் மாடலில் 348சிசி, சிங்கிள் சிலிண்டர் என்ஜின் வழங்கப்பட்டு உள்ளது. இந்த என்ஜின் 20.78 பிஹெச்பி பவர், 30 என்எம் டார்க் செயல்திறன் மற்றும் 5 ஸ்பீடு கியர்பாக்ஸ் வழங்கப்படுகிறது.