இந்தியாவில் இறக்குமதி செய்யப்படும் சுசுகி ஜிம்னி

 

சுசுகி ஜிம்னி மூன்று கதவுகள் கொண்ட வேரியண்ட் இந்த ஆண்டு துவக்கத்தில் நடைபெற்ற 2020 ஆட்டோ எக்ஸ்போ விழாவில் காட்சிக்கு வைக்கப்பட்டது. இந்த மாடல் வாடிக்கையாளர்கள் மத்தியில் அதிக வரவேற்பை பெற்றது. இந்த மாடல் அறிமுகமானது முதல் இதே காரின் ஐந்து கதவுகள் கொண்ட வேரியண்ட் அதிகம் எதிர்பார்க்கப்படுகிறது.

இந்நிலையில், மாருதி சுசுகி இந்தியா நிறுவனம் ஏற்கனவே சில ஜிம்னி யூனிட்களை இந்தியாவில் இறக்குமதி செய்து விட்டதாக தகவல் வெளியாகி உள்ளது. மேலும், இந்த மாடலுக்கான சுங்க துறை அனுமதி மற்றும் இதர சான்றுகளை பெறுவதற்கான பணிகள் தொடர்ந்து நடைபெற்று வருவதாக கூறப்படுகிறது. 

இந்த கார்கள் கம்ப்லீட்லி நாக்டு-டவுன் யூனிட்களாக இறக்குமதி செய்யப்பட்டு உள்ளன. சுசுகி நிறுவனம் 4 ஆயிரம் முதல் 5 ஆயிரம் யூனிட்களை உற்பத்தி செய்து அவற்றை மற்ற நாடுகளுக்கும் ஏற்றுமதி செய்ய திட்டமிட்டு வருவதாக தகவல் வெளியாகி உள்ளது.