ஆட்டோமொபைல்

எம்.ஜி. ஹெக்டார் முன்பதிவு துவங்கியது - ஆனால் ஒரு நிபந்தனை

Published On 2019-05-25 13:33 GMT   |   Update On 2019-05-25 13:33 GMT
எம்.ஜி. மோட்டார் இந்தியா நிறுவனத்தின் ஹெக்டார் எஸ்.யு.வி. மாடலுக்கான முன்பதிவுகள் துவங்கப்பட்டுள்ளன.



எம்.ஜி. மோட்டார் இந்தியா நிறுவனம் தனது முதல் வாகனமான ஹெக்டார் காரை இந்தியாவில் அறிமுகம் செய்தது. எம்.ஜி. ஹெக்டார் கார் இந்தியாவில் ஜூன் 2019 இல் வெளியாகும் என எதிர்பார்க்கப்படுகிறது.

இந்நிலையில், எம்.ஜி. ஹெக்டார் காருக்கான முன்பதிவுகள் துவங்கப்பட்டுள்ளதாக தகவல் வெளியாகியுள்ளது. மும்பை மற்றும் கோவா பகுதிகளில் விரைவில் துவங்கப்பட இருக்கும் எம்.ஜி. மோட்டார் விற்பனையாளர்கள் புதிய காருக்கான முன்பதிவுகளை அதிகாரப்பூர்வமற்ற முறையில் புதிய காருக்கான முன்பதிவுகளை மேற்கொண்டு வருவதாக தகவல் வெளியாகியுள்ளது. 

புதிய காருக்கான முன்பதிவு கட்டணம் ரூ.51,000 என நிர்ணயிக்கப்பட்டுள்ளதாக கூறப்படுகிறது. இதுவரை விற்பனையகங்கள் நிறுவப்படாத நிலையில், முதல் விற்பனையகம் டெல்லியில் ஜூன் 4 ஆம் தேதி திறக்கப்பட இருக்கிறது.

புதிய எம்.ஜி. ஹெக்டார் 1.5 லிட்டர் டர்போ பெட்ரோல், 2.0 லிட்டர் எஃப்.சி.ஏ. டீசல் என்ஜின் என இருவித ஆப்ஷன்களில் கிடைக்கிறது. இதன் 1.5 லிட்டர் டர்போசார்ஜ் செய்யப்பட்ட பெட்ரோல் என்ஜின் 141 பி.ஹெச்.பி. பவர், 250 என்.எம். டார்க் செயல்திறன் வழங்குகிறது. இந்த என்ஜின் 6-ஸ்பீடு மேனுவல் மற்றும் டூயல் கிளட்ச் ஆட்டோமேடிக் என இருவித டிரான்ஸ்மிஷன்களில் கிடைக்கிறது.



எம்.ஜி. ஹெக்டார் பெட்ரோல் வெர்ஷன் 48வோல்ட் ஹைப்ரிட் செட்டப் உடன் கிடைக்கிறது. எம்.ஜி. ஹெக்டார் பெட்ரோல் வேரியண்ட் லிட்டருக்கு 14.16 கிலோமீட்டர் செல்லும் என தெரிவிக்கப்பட்டுள்ளது. இதன் ஆட்டோமேடிக் டிரான்ஸ்மிஷன் வேரிண்ட் லிட்டருக்கு 13.94 கிலோமீட்டர் செல்லும் என தெரிவிக்கப்பட்டுள்ளது.

இத்துடன் 2.0 லிட்டர் டர்போசார்ஜ் செய்யப்பட்ட 4-சிலிண்டர் டீசல் என்ஜின் வழங்கப்பட்டுள்ளது. இதேபோன்ற என்ஜின் ஜீப் காம்பஸ் மற்றும் டாடா ஹேரியர் போன்ற கார்களில் வழங்கப்பட்டுள்ளது. இந்த என்ஜின் 168 பி.ஹெச்.பி. பவர், 350 என்.எம். டார்க் செயல்திறன் வழங்குகிறது. 6-ஸ்பீடு மேனுவல் கியர்பாக்ஸ் டிரான்ஸ்மிஷன்  கொண்டிருக்கும் இந்த என்ஜின் லிட்டருக்கு 17.41 கிலோமீட்டர் மைலேஜ் வழங்கும்.

காரின் உள்புறம் 10.3 இன்ச் இன்ஃபோடெயின்மென்ட் டிஸ்ப்ளே வழங்கப்பட்டுள்ளது. இது வோடபோனின் இசிம் தொழிலநுட்பத்தில் இணைய வசதியை வழங்குகிறது. எம்.ஜி. ஹெக்டார் டிஸ்ப்ளேவில் ஆண்ட்ராய்டு ஆட்டோ மற்றும் ஆப்பிள் கார் பிளே போன்ற கனெக்டிவிட்டி வசதியும், எதிர்காலத்தில் டன்-பை-டன் நேவிகேஷன் வசதி வழங்கப்படும் என தெரிவிக்கப்பட்டுள்ளது.



இன்ஃபோடெயின்மென்ட் டிஸ்ப்ளேவுடன் 8 ஸ்பீக்கர்கள் இணைக்கப்பட்டு ஒரு சர் ஊஃபர் மற்றும் ஆம்ப்ளிஃபையர் ஆடியோ செட்டப் வழங்கப்படுகிறது. மற்ற அம்சங்களை பொருத்தவரை 360-டிகிரி கேமரா, குரூஸ் கண்ட்ரோல், கீலெஸ் எண்ட்ரி, புஷ் பட்டன் ஸ்டார்ட் மற்றும் பல்வேறு இதர வசதிகள் வழங்கப்பட்டுள்ளது.

பாதுகாப்பிற்கு எம்.ஜி. ஹெக்டார் காரில் 6 ஏர்பேக், ஏ.பி.எஸ். மற்றும் இ.பி.டி., பிரேக் அசிஸ்ட், எலெக்டிரானிக் ஸ்டேபிலிட்டி திட்டம், டிராக்‌ஷன் கண்ட்ரோல், குரூஸ் கண்ட்ரோல், ஹில்-ஹோல்டு கண்ட்ரோல் உள்ளிட்டவை வழங்கப்படுகிறது.

இந்தியாவில் புதிய எம்.ஜி. ஹெக்டார் கார் டாடா ஹேரியர், ஜீப் காம்பஸ், மஹிந்திரா எக்ஸ்.யு.வி.500 மற்றும் ஹூன்டாய் கிரெட்டா போன்ற கார்களுக்கு போட்டியாக இருக்கும் என எதிர்பார்க்கப்படுகிறது.
Tags:    

Similar News