செய்திகள்
பாபர் அசாம்

ஐசிசி டெஸ்ட் தரவரிசை: 5-வது இடத்திற்கு முன்னேறினார் பாபர் அசாம்

Published On 2020-02-11 11:45 GMT   |   Update On 2020-02-11 11:45 GMT
விராட் கோலி, ஸ்மித், கேன் வில்லியம்சனை மிரட்டும் வகையில் ஐசிசி டெஸ்ட் தரவரிசையில் 5-வது இடத்திற்கு முன்னேறியுள்ளார் பாபர் அசாம்.
பாகிஸ்தான் அணியின் நட்சத்திர பேட்ஸ்மேன் பாபர் அசாம். இவர் தற்போது சிறப்பான ஆட்டத்தை வெளிப்படுத்தி வருகிறார். இந்திய அணியைச் சேர்ந்த விராட் கோலி போன்று விளையாடுகிறார் என்று விமர்சகர்கள் கூறி வருகின்றனர்.

டி20-யில் நம்பர் ஒன் இடத்தில் இருக்கும் பாபர் அசாம் வங்காளதேசம் அணிக்கெதிரான முதல் டெஸ்டில் சதம் அடித்ததன் மூலம் ஐசிசி டெஸ்ட் தரவரிசையில் 800 புள்ளிகளுடன் 5-வது இடத்திற்கு முன்னேறியுள்ளார்.

இந்த தலைமுறையின் சிறந்த வீரர்களாக கருதப்படும் விராட் கோலி 928 புள்ளிகளுடன் முதல் இடத்திலும், ஸ்டீவ் ஸ்மித் 911 புள்ளிகளுடன் 2-வது இடத்திலும், கேன் வில்லியம்சன் 814 புள்ளிகளுடன் 4-வது இடத்திலும், ஜோ ரூட் 764 புள்ளிகளுடன் 8-வது இடத்திலும் உள்ளனர்.

மார்னஸ் லபுஸ்சேன் 827 புள்ளிகளுடன் 3-வது இடத்தில் உள்ளார். இனிவரும் டெஸ்ட் போட்டிகளில் பாபர் அசாம் சிறப்பான ஆட்டத்தை வெளிப்படுத்தினால் விராட் கோலி, ஸ்மித்தை நெருங்க வாய்ப்பு உள்ளது.
Tags:    

Similar News