லைஃப்ஸ்டைல்
கூந்தலை வலுவாக்கும் வேப்ப எண்ணெய்

கூந்தலை வலுவாக்கும் வேப்ப எண்ணெய்

Published On 2021-01-01 04:11 GMT   |   Update On 2021-01-01 04:11 GMT
வேப்ப எண்ணெய் உங்கள் தலைமுடியை பாதுகாக்க பல வழிகளில் உதவுகிறது. வேப்ப எண்ணெய் கொண்டு உச்சந்தலையில் அடிக்கடி மசாஜ் செய்வதால் முடி அடர்த்தியாகவும், வலுவாகவும் மாறும்.
வேப்ப எண்ணெய் உங்கள் தலைமுடியை பாதுகாக்க பல வழிகளில் உதவுகிறது. அதாவது, இந்த எண்ணெய் முதலில் உச்சந்தலையை ஆரோக்கியமானதாக மாற்றுகிறது. அத்துடன் வேப்ப எண்ணெய் உச்சந்தலையில் இருக்கும் நுண்ணுயிரிகளிடமிருந்து எந்தவித இடையூறும் இல்லாமல் முடியின் வேர்பகுதியை நன்கு வளரச் செய்கிறது. மேலும், இதில் உள்ள ஆன்டிஆக்ஸிடன்ட்கள் முடியை சேதமடையாமல் பாதுகாக்கின்றன.வேப்ப எண்ணெய் கொண்டு உச்சந்தலையில் அடிக்கடி மசாஜ் செய்வதால் முடி அடர்த்தியாகவும், வலுவாகவும் மாறும். 

தேவையான பொருட்கள்:

வேப்ப எண்ணெய் - 1/2 தேக்கரண்டியளவு 
தேங்காய் எண்ணெய் - 3 தேக்கரண்டியளவு 
லாவெண்டர் எண்ணெய் - 10 சொட்டுகள் 

முதலில் வேப்ப எண்ணெய் மற்றும் தேங்காய் எண்ணெயை நன்கு கலந்து கொள்ளுங்கள். கூந்தல் வளர்ச்சியை அதிகரிக்க லாவெண்டர் எண்ணெயை சேர்த்து கலக்கி அந்த கலவையை உங்கள் உச்சந்தலையில் நன்றாக மசாஜ் செய்யுங்கள். பின்னர் ஒரு மணி நேரம் கழித்து நல்ல ஷாம்பூ பயன்படுத்தி அலசுங்கள். பொடுகு மற்றும் நமைச்சல் கேண்டிடா இது பொடுகுக்கான முக்கிய காரணங்களில் ஒன்று. 

பல பூஞ்சைகளுக்கு எதிராக போராட வேப்ப எண்ணெய் பயனுள்ளதாக இருக்கும். மேலும், பொடுகுத் தொல்லை ஏற்படும் போது அத்துடன் தலையில் சிவப்பு நிற காயங்கள், அரிப்பு மற்றும் எரிச்சல் போன்றவை ஏற்படுகிறது. வேப்ப எண்ணெயில் நிம்பிடின், பூஞ்சை காளான், அழற்சி எதிர்ப்பு மற்றும் ஆண்டிசெப்டிக் போன்ற பண்புகள் நிறைந்துள்ளன. இந்த பண்புகள் தலையில் உள்ள பொடுகு மற்றும் நமைச்சல்களை நீக்க சிறந்த தீர்வாக அமையும்.
Tags:    

Similar News