இணையத்தில் வெளியான மாருதி எக்ஸ்எல்5 ஸ்பை படங்கள்

மாருதி சுசுகி நிறுவனம் தனது வேகன்ஆர் மாடலின் பிரீமியம் வெர்ஷனை இந்திய சந்தையில் அறிமுகம் செய்ய இருக்கிறது. புதிய பிரீமியம் மாடல் மாருதி எக்ஸ்எல்5 எனும் குறியீட்டு பெயரில் உருவாகி வருகிறது. 

முன்னதாக எக்ஸ்எல்5 மாடல் ஸ்பை படங்கள் பலமுறை இணையத்தில் லீக் ஆகி இருக்கின்றன. புதிய மாருதி கார் விரைவில் இந்தியாவில் அறிமுகமாகும் என கூறப்பட்டது. எனினும், கொரோனா வைரஸ் பாதிப்பு காரணமாக இதன் வெளியீடு தாமதம் ஆகி இருக்கிறது. 

டெல்லியில் சோதனை செய்யப்படும் போது எடுக்கப்பட்ட வீடியோ யூடியூபில் பதிவேற்றம் செய்யப்பட்டு இருக்கிறது. முழுமையாக மறைக்கப்பட்ட நிலையில் சோதனை செய்யப்படும் மாருதி கார் முன்புறம் ஸ்ப்லிட் ஹெட்லேம்ப் செட்டப், ட்வீக் செய்யப்பட்ட ஏர் டேம் முன்புற பம்ப்பரில் வழங்கப்பட்டு உள்ளது. 

காரின் பின்புறம் செங்குத்தாக டெயில் லைட்கள் பொருத்தப்பட்டுள்ளன. இதன் பம்ப்பர்கள் ட்வீக் செய்யப்பட்ட வேகன்ஆர் மாடலை விட வித்தியாசப்படுத்தப்பட்டு இருக்கிறது. புதிய எக்ஸ்எல்5 மாடல் 15 இன்ச் அலாய் வீல்களை கொண்டிருக்கிறது.