மெர்க்குரியின் போர்ட்டபிள் மல்டி மீடியா ஸ்பீக்கர் அறிமுகம்

கோபியான் நிறுவனத்தின் அங்கமான மெர்க்குரி நிறுவனம் இரண்டு விதமான போர்ட்டபிள் மல்டி மீடியா ஸ்பீக்கர்களை அறிமுகம் செய்துள்ளது. இரண்டுமே 6 வாட் திறன் கொண்டவை, எளிதில் எடுத்துச் செல்லும் வடிவில் உருவாக்கப்பட்டவை. இவை இரண்டும் ஸ்டீரியோ அளவுக்கு ஒலியை துல்லியமாக வெளிப்படுத்தக் கூடியவை. மிக அழகிய பிளாஸ்டிக் மேல் பகுதியைக் கொண்டவை. இதை பர்சனல் கம்ப்யூட்டர், லேப்டாப், டேப்லெட் மற்றும் டி.வி.யுடன் இணைத்தும் பயன்படுத்த முடியும். ஆடியோ போர்ட்டை இணைப்பதற்கு 3.5 மி.மீ. ஆடியோ ஜாக் உள்ளது.

இது 60 டெசிபல் அளவுக்கு ஒலியை வெளிப்படுத்தக் கூடியது. இதனால் உள்ளரங்கு மற்றும் திறந்த வெளியில் பயன்படுத்த ஏற்றது. ஹார்மனி மற்றும் வேவ் என்ற பெயரில் வந்துள்ள இவற்றின் விலை முறையே சுமார் ரூ.400 மற்றும் ரூ.600 ஆகும். இவற்றுக்கு ஓராண்டு உத்தரவாதமும் அளிக்கப்படுகிறது.