தொழில்நுட்பம்
போக்கோ எம்4 ப்ரோ 5ஜி

33 வாட் பாஸ்ட் சார்ஜிங் வசதியுடன் உருவாகும் போக்கோ ஸ்மார்ட்போன்

Published On 2021-11-02 15:10 GMT   |   Update On 2021-11-02 15:10 GMT
போக்கோ நிறுவனம் விரைவில் அறிமுகம் செய்ய இருக்கும் எம்4 ப்ரோ 5ஜி ஸ்மார்ட்போனின் அம்சங்கள் வெளியாகி உள்ளது.
 

போக்கோ நிறுவனம் தனது போக்கோ எம்4 ப்ரோ 5ஜி ஸ்மார்ட்போனினை நவம்பர் 9 ஆம் தேதி சர்வதேச சந்தையில் அறிமுகம் செய்ய இருக்கிறது. இது இந்த ஆண்டு ஜூன் மாதம் அறிமுகம் செய்யப்பட்ட போக்கோ எம்3 ப்ரோ 5ஜி ஸ்மார்ட்போனின் மேம்பட்ட மாடல் ஆகும். இதுதவிர இது ரெட்மி நோட் 11 மாடலின் ரி-பிராண்டு செய்யப்பட்ட ஸ்மார்ட்போன் ஆகும். 

இந்த நிலையில், போக்கோ எம்4 ப்ரோ 5ஜி அம்சங்கள் பற்றிய விவரங்களை போக்கோ தனது அதிகாரப்பூர்வ ட்விட்டர் பக்கத்தில் வெளியிட்டு உள்ளது. அதன்படி இந்த ஸ்மார்ட்போன் 33வாட் பாஸ்ட் சார்ஜிங் வசதி கொண்டிருக்கும் என தெரியவந்துள்ளது. இத்துடன் 6 நானோமீட்டர் சிப்செட் வழங்கப்படுகிறது.



புதிய ஸ்மார்ட்போனில் 6.6 இன்ச் எல்.சி.டி. பேனல் கொண்ட டிஸ்ப்ளே, 16 எம்பி செல்பி கேமரா, அதிகபட்சம் 8 ஜிபி ரேம், 128 ஜிபி மெமரி, மெமரியை கூடுதலாக நீட்டிக்கும் வசதி, 5000 எம்.ஏ.ஹெச். பேட்டரி வழங்கப்படுகிறது.
Tags:    

Similar News