திருப்பதியில் முதல் முறையாக வி.ஐ.பி. பிரேக் தரிசன டிக்கெட்டுகள் ஆன்லைனில் வெளியீடு

வி.ஐ.பி. பிரேக் தரிசன டிக்கெட்டுகள் ரூ.500 கட்டணத்தில் எம்.பி., எம்.எல்.ஏ.க்கள் மற்றும் முக்கிய பிரமுகர்களின் சிபாரிசு கடிதம் அடிப்படையில் வழங்கப்பட்டு வந்தது.

இந்த நிலையில் வி.ஐ.பி. பிரேக் தரிசன டிக்கெட்டுகளையும் ஆன்லைனில் வெளியிட தேவஸ்தானம் முடிவு செய்துள்ளது.

ஜனவரி, பிப்ரவரி மாதத்திற்கான வி.ஐ.பி. தரிசன டிக்கெட்டுகள் நாளை (செவ்வாய்க்கிழமை) வெளியிடப்படுகிறது. தினமும் 1000 டிக்கெட்டுகள் வீதம் முன்பதிவு செய்து கொள்ளலாம்.

இதற்கான டிக்கெட் கட்டணம் ரூ.500 வசூலிக்கப்படுகிறது. ரூ.300 கட்டணத்தில் சிறப்பு தரிசனத்திற்கு ஆன்லைனில் டிக்கெட் முன்பதிவு செய்வதுபோல் வி.ஐ.பி. பிரேக் தரிசனத்திற்கும் டிக்கெட் முன்பதிவு செய்து கொள்ளலாம்.

வி.ஐ.பி. தரிசனத்தை தேவஸ்தானம் எளிய முறையில் கொண்டு வந்துள்ளது பக்தர்கள் மத்தியில் வரவேற்பை பெற்றுள்ளது.

இலவச தரிசன டிக்கெட் இன்று காலை 9 மணிக்கு ஆன்லைனில் வெளியிடப்பட்டது. 2.60 லட்சம் டிக்கெட்டுகள் வெளியிடப்பட்ட சிறிது நேரத்தில் புக்கிங் செய்யப்பட்டு முடிந்து விட்டது.