செய்திகள்
முதல்வர் யோகி ஆதித்யநாத் அண்ணன் என கூறி வைரலாகும் புகைப்படம்
உத்திர பிரதேச மாநிலத்தின் முதலமைச்சர் யோகி ஆதித்யநாத் அண்ணன் என கூறி நபர் ஒருவரின் புகைப்படம் வைரலாகி வருகிறது.
உத்திர பிரதேச முதல்வர் யோகி ஆதித்யநாத் போன்றே காட்சியளிக்கும் நபரின் புகைப்படம் சமூக வலைதளங்களில் வைரலாகி வருகிறது. புகைப்படத்தில் இருப்பது முதல்வர் யோகி ஆதித்யநாத் அண்ணன் என வைரல் பதிவுகளில் குறிப்பிடப்பட்டு இருக்கிறது.
'முதல்வரின் அண்ணன் இன்றும் சிறிய தேநீர் கடை வருமானம் கொண்டு வாழ்ந்து வருகிறார்,' எனும் தலைப்பில் புகைப்படம் பகிரப்பட்டு வருகிறது. இதே புகைப்படம் பேஸ்புக்கிலும் வைரலாகி வருகிறது. இது குறித்து ஆய்வு செய்ததில், வைரல் புகைப்படத்தில் இருப்பது முதல்வர் யோகி ஆத்தியநாத் அண்ணன் இல்லை என தெரியவந்தது.
உண்மையில், யோகி ஆதித்யநாத்-க்கு மூன்று சகோதரர்கள், மூன்று சகோதரிகள் உள்ளனர். ஆனால், இவர்களில் யாரும் தோற்றத்தில் யோகி ஆதித்யநாத் போன்று காட்சியளிக்கவில்லை. வைரல் புகைப்படத்தில் இருப்பது யார் என்ற விவரமும் மர்மாகவே உள்ளது.