தொழில்நுட்பம்
சாம்சங் ஸ்மார்ட்போன்

விரைவில் இந்தியா வரும் சாம்சங் 5ஜி ஸ்மார்ட்போன்

Published On 2021-05-08 06:30 GMT   |   Update On 2021-05-08 06:30 GMT
சாம்சங் நிறுவனத்தின் கேலக்ஸி ஏ52 5ஜி மாடல் இந்திய வலைதளத்தில் பட்டியலிடப்பட்டு இருக்கிறது. இதன் விவரங்களை பார்ப்போம்.


சாம்சங் கேலக்ஸி ஏ52 5ஜி மாடல் சாம்சங் இந்தியா அதிகாரப்பூர்வ வலைதளத்தில் பட்டியலிடப்பட்டு இருக்கிறது. இந்த ஸ்மார்ட்போன் SM-A526B/DS எனும் மாடல் நம்பர் கொண்டிருக்கிறது. முன்னதாக இந்த ஸ்மார்ட்போன் சர்வதேச சந்தையில் அறிமுகம் செய்யப்பட்டது. 

இத்துடன் கேலக்ஸி ஏ52 மற்றும் கேலக்ஸி ஏ72 மாடல்களும் அறிமுகம் செய்யப்பட்டன. கேலக்ஸி ஏ52 5ஜி மாடலில் ஸ்னாப்டிராகன் 750G பிராசஸர், அதிகபட்சம் 8 ஜிபி ரேம், 256 ஜிபி மெமரி வழங்கப்பட்டு இருக்கிறது. தற்போது இந்திய தளத்தில் இடம்பெற்று இருப்பதை ஒட்டி விரைவில் இது அறிமுகம் செய்யப்படலாம் என கூறப்படுகிறது.

ஐரோப்பிய சந்தையில் அறிமுகம் செய்யப்பட்ட கேலக்ஸி ஏ52 5ஜி மாடல் ஆசம் பிளாக், ஆசம் புளூ, ஆசம் வைலட் மற்றும் ஆசம் வைட் போன்ற நிறங்களில் கிடைக்கிறது. இதன் துவக்க விலை 429 யூரோக்கள், இந்திய மதிப்பில் ரூ. 38 ஆயிரம் என நிர்ணயம் செய்யப்பட்டு உள்ளது.



சாம்சங் கேலக்ஸி ஏ52 5ஜி அம்சங்கள்

சர்வதேச சந்தையில் அறிமுகமாகி இருக்கும் கேலக்ஸி ஏ52 5ஜி மாடலில் 6.5 இன்ச் புல் ஹெச்டி பிளஸ் சூப்பர் AMOLED இன்பினிட்டி ஒ டிஸ்ப்ளே, 120 ஹெர்ட்ஸ் ரிப்ரெஷ் ரேட், ஸ்னாப்டிராகன் 750G பிராசஸர், அதிகபட்சம் 8 ஜிபி ரேம், 256 ஜிபி மெமரி வழங்கப்பட்டு இருக்கிறது.

இத்துடன் 64 எம்பி பிரைமரி கேமரா, 12 எம்பி அல்ட்ரா வைடு சென்சார், 5 எம்பி டெப்த் சென்சார், 5 எம்பி மேக்ரோ சென்சார், 32 எம்பி செல்பி கேமரா வழங்கப்பட்டு இருக்கிறது. இதுதவிர 4500 எம்ஏஹெச் பேட்டரி, 25வாட் பாஸ்ட் சார்ஜிங் வசதி வழங்கப்படுகிறது.
Tags:    

Similar News