ஒப்போ ஸ்மார்ட்போன்களின் தீபாவளி எடிஷன் அறிமுகம்

ஒப்போ நிறுவனம் இந்தியாவில் எப்19எஸ் மற்றும் ரெனோ 6 ப்ரோ 5ஜி ஸ்மார்ட்போன்களின் தீபாவளி எடிஷன் மாடல்களை அறிமுகம் செய்து இருக்கிறது. இரு மாடல்களின் அம்சங்களில் எவ்வித மாற்றமும் மேற்கொள்ளப்படவில்லை. 

ஒப்போ எப்19எஸ் மாடல் ஏ.ஜி. ஷிம்மரிங் சேண்ட் தொழில்நுட்பம் கொண்ட இந்தியாவின் முதல் ஸ்மார்ட்போன் ஆகும். இந்த ஸ்மார்ட்போன் குளோயிங் பிளாக் மற்றும் குளோயிங் கோல்டு நிறங்களில் கிடைக்கிறது. இதன் விலை ரூ. 19,990 ஆகும். விற்பனை ப்ளிப்கார்ட் மற்றும் ஒப்போ இந்தியா ஆன்லைன் மற்றும் ஆப்லைன் விற்பனை மையங்களில் நடைபெறுகிறது.

ஒப்போ ரெனோ 6 ப்ரோ 5ஜி தீபாவளி எடிஷன் ஸ்மார்ட்போன் மஜெஸ்டிக் கோல்டு நிறத்தில் கிடைக்கிறது. இதில் பிரத்யேக வால்பேப்பர், யு.ஐ. மற்றும் சா்ஜிங் இன்டர்பேஸ் உள்ளிட்டவை வழங்கப்பட்டு இருக்கிறது. இந்த ஸ்மார்ட்போனின் விலை ரூ. 41,990 ஆகும். இதன் விற்பனை அக்டோபர் 6 ஆம் தேதி துவங்குகிறது.

இரு ஸ்மார்ட்போன்களுக்கும் பிரத்யேக கேஷ்பேக் மற்றும் வங்கி சார்ந்த பல்வேறு சலுகைகள் அறிவிக்கப்பட்டு இருக்கின்றன.