ஆட்டோமொபைல்
ஹீரோ டெஸ்டினி 125

ஹீரோ டெஸ்டினி 125 பிளாட்டினம் இந்தியாவில் அறிமுகம்

Published On 2021-03-25 07:08 GMT   |   Update On 2021-03-25 07:26 GMT
ஹீரோ மோட்டோகார்ப் நிறுவனம் டெஸ்டினி 125 பிளாட்டினம் ஸ்கூட்டர் மாடலை இந்திய சந்தையில் அறிமுகம் செய்தது.

ஹீரோ மோட்டோகார்ப் நிறுவனம் டெஸ்டினி 125 பிளாட்டினம் ஸ்கூட்டர் மாடலை இந்திய சந்தையில் அறிமுகம் செய்தது. புதிய 125சிசி ஸ்கூட்டர் மாடல் விலை ரூ. 72,050 ஆகும். ஹீரோ டெஸ்டினி 125 ஸ்டான்டர்டு மாடல் விலை ரூ. 66,960 ஆகும். 

புதிய ஹீரோ டெஸ்டினி 125 பிளாட்டினம் மேட் பிளாக் நிறம் மற்றும் பிரவுன் நிற பேனல்களை கொண்டுள்ளது. இத்துடன் குரோம் ஹேன்டில்பார் முனை, குரோம் மிரர்கள், குரோம் மப்ளர் ப்ரோடக்டர், குரோம் பென்டர் ஸ்டிரைப் உள்ளிட்டவை வழங்கப்பட்டு இருக்கிறது.

மற்ற அம்சங்கள் மற்றும் மெக்கானிக்கல் உபகரணங்களில் எந்த மாற்றமும் மேற்கொள்ளப்படவில்லை. அந்த வகையில் பிளாட்டினம் எடிஷன் மாடலில் 125சிசி பிஎஸ்6 ரக பியூவல் இன்ஜெக்ட் செய்யப்பட்ட மோட்டார் மற்றும் எக்ஸ்-சென்ஸ் தொழில்நுட்பம் வழங்கப்பட்டு இருக்கிறது. இந்த என்ஜின் 9 பிஹெச்பி பவர், 10.4 என்எம் டார்க் செயல்திறன் வழங்குகிறது.

இவற்றுடன் ஐ3எஸ் (ஐடில் ஸ்டார்ட் ஸ்டாப் சிஸ்டம்) தொழில்நுட்பம் வழங்கப்பட்டு இருக்கிறது. இது ஸ்கூட்டரின் மைலேஜ் திறனை மேம்படுத்தும். இத்துடன் செமி-டிஜிட்டல் இன்ஸ்ட்ரூமென்ட் கிளஸ்டர், பக்கவாட்டில் சைடு ஸ்டான்டு மற்றும் சர்வீஸ் டியூ ரிமைன்டர் உள்ளிட்டவை வழங்கப்பட்டு இருக்கிறது. 

Tags:    

Similar News