தொழில்நுட்பம்
ரியல்மி 8

ரூ. 14,999 துவக்க விலையில் ரியல்மி 8 சீரிஸ் இந்தியாவில் அறிமுகம்

Published On 2021-03-25 06:18 GMT   |   Update On 2021-03-25 06:54 GMT
ரியல்மி நிறுவனத்தின் புதிய 8 சீரிஸ் ஸ்மார்ட்போன்கள் இந்திய சந்தையில் அறிமுகம் செய்யப்பட்டு இருக்கிறது.

ரியல்மி நிறுவனம் ஏற்கனவே அறிவித்தப்படி ரியல்மி 8 சீரிஸ் ஸ்மார்ட்போன்களை இந்திய சந்தையில் அறிமுகம் செய்தது. ரியல்மி 8 மாடலில் 6.4 இன்ச் புல் ஹெச்டி பிளஸ் AMOLED டிஸ்ப்ளே, மீடியாடெக் ஹீலியோ ஜி95 பிராசஸர், அதிகபட்சம் 8 ஜிபி ரேம் வழங்கப்பட்டு உள்ளது.

இத்துடன் 64 எம்பி பிரைமரி கேமரா, 8 எம்பி அல்ட்ரா வைடு ஆங்கில் லென்ஸ், 2 எம்பி போர்டிரெயிட், 2 எம்பி மேக்ரோ கேமரா, 16 எம்பி செல்பி கேமரா வழங்கப்பட்டு இருக்கிறது. மேலும் இன் டிஸ்ப்ளே கைரேகை சென்சார், டூயல் சிம் ஸ்லாட், ஆண்ட்ராய்டு 11 மற்றும் ரியல்மி யுஐ 2.0, 5000 எம்ஏஹெச் பேட்டரி மற்றும் 30 வாட் டார்ட் பாஸ்ட் சார்ஜிங் உள்ளது.

ரியல்மி 8 ப்ரோ மாடலில் 6.4 இன்ச் புல் ஹெச்டி பிளஸ் AMOLED டிஸ்ப்ளே, ஆக்டாகோர் ஸ்னாப்டிராகன் 720ஜி பிராசஸர், அதிகபட்சம் 8 ஜிபி ரேம் வழங்கப்பட்டு உள்ளது.



இத்துடன் 108 எம்பி பிரைமரி கேமரா, 8 எம்பி அல்ட்ரா வைடு ஆங்கில் லென்ஸ், 2 எம்பி போர்டிரெயிட், 2 எம்பி மேக்ரோ கேமரா, 16 எம்பி செல்பி கேமரா வழங்கப்பட்டு இருக்கிறது. மேலும் இன் டிஸ்ப்ளே கைரேகை சென்சார், டூயல் சிம் ஸ்லாட், ஆண்ட்ராய்டு 11 மற்றும் ரியல்மி யுஐ 2.0, 4500 எம்ஏஹெச் பேட்டரி மற்றும் 50 வாட் வூக் சூப்பர் டார்ட் பாஸ்ட் சார்ஜிங் உள்ளது.

ரியல்மி 8 ஸ்மார்ட்போன் சைபர் சில்வர் மற்றும் சைபர் பிளாக் நிறங்களில் கிடைக்கிறது. இதன் 4 ஜிபி + 128 ஜிபி மெமரி மாடல் ரூ. 14,999, 6 ஜிபி + 128 ஜிபி மாடல் ரூ. 15,999 மற்றும் டாப் எண்ட் 8 ஜிபி + 128 ஜிபி மாடல் ரூ. 16,999 என நிர்ணயம் செய்யப்பட்டு உள்ளது.

ரியல்மி 8 ப்ரோ ஸ்மார்ட்போன் இன்பனைட் புளூ, இன்பனைட் பிளாக் மற்றும் இலுமினேட்டிங் எல்லோ என மூன்று நிறங்களில் கிடைக்கிறது. இதன் 6 ஜிபி + 128 ஜிபி ரூ. 17,999, 8 ஜிபி + 128 ஜிபி ரூ. 19,999 என நிர்ணயிக்கப்பட்டு உள்ளது.

Tags:    

Similar News