செய்திகள்
ஜானி பேர்ஸ்டோ - சுனில் கவாஸ்கர்

இந்திய முன்னாள் வீரர் சுனில் கவாஸ்கர் கருத்துக்கு பேர்ஸ்டோ பதிலடி

Published On 2021-03-28 03:17 GMT   |   Update On 2021-03-28 03:17 GMT
கவாஸ்கருக்கும், எனக்கும் இடையே எந்தவித தகவல் தொடர்பும் இல்லாத நிலையில் அவர் என்னை பற்றி எப்படி கருத்து சொல்ல முடியும் என்பதை அறிய ஆர்வமாக இருக்கிறேன் என பேர்ஸ்டோ கூறியுள்ளார்.
இங்கிலாந்து அணியின் பேட்ஸ்மேன் 31 வயதான ஜானிபேர்ஸ்டோ இந்தியாவுக்கு எதிரான டெஸ்ட் தொடரில் 4 இன்னிங்சில் விளையாடி அதில் மூன்றில் டக்-அவுட் ஆகியிருந்தார். ‘களத்தில் பேர்ஸ்டோவின் பேட்டிங்கை பார்க்கும் போது அவருக்கு டெஸ்ட் போட்டியில் விளையாட விருப்பம் இல்லாதது போல் தெரிகிறது’ என்று இந்திய முன்னாள் வீரர் சுனில் கவாஸ்கர் டி.வி. வர்ணனையின் போது விமர்சித்தார்.

தற்போது இந்தியாவுக்கு எதிரான ஒரு நாள் தொடரில் பட்டைய கிளப்பி வரும் (94 ரன், 124 ரன்) பேர்ஸ்டோவிடம் கவாஸ்கரின் கருத்து குறித்து கேட்கப்பட்டது. அதற்கு அவர் பதில் அளிக்கையில், ‘முதலில் கவாஸ்கர் என்ன பேசினார் என்பது எனக்கு தெரியாது. இரண்டாவது, கவாஸ்கருக்கும், எனக்கும் இடையே எந்தவித தகவல் தொடர்பும் இல்லாத நிலையில் அவர் என்னை பற்றி எப்படி கருத்து சொல்ல முடியும் என்பதை அறிய ஆர்வமாக இருக்கிறேன். இப்போது ஒன்றும் பிரச்சினை இல்லை. நான் டெஸ்ட் கிரிக்கெட்டில் விளையாட எவ்வளவு ஆர்வமாக இருக்கிறேன், டெஸ்ட் போட்டியை எப்படி அனுபவித்து உற்சாகமாக விளையாடுவேன் என்பது குறித்து அவர் என்னிடம் போன் செய்து கேட்டால் அதை வரவேற்க தயாராக உள்ளேன். ஏற்கனவே சொன்னது போல் என்னுடைய செல்போனை ஆன் செய்து தான் வைத்துள்ளேன். அவர் விரும்பினால் எனக்கு போன் செய்தோ அல்லது மெசேஜ் அனுப்பியோ தாராளமாக பேசலாம்’ என்றார்.
Tags:    

Similar News