தொழில்நுட்பம்
போக்கோ எம்3 இந்திய வெளியீட்டு விவரம்
போக்கோ எம்3 ஸ்மார்ட்போனின் இந்திய வெளியீட்டு விவரங்களை தொடர்ந்து பார்ப்போம்.
போக்கோ எம்3 ஸ்மார்ட்போன் இந்திய சந்தையில் பிப்ரவரி மாத வாக்கில் அறிமுகம் செய்யப்படலாம் என தகவல் வெளியாகி உள்ளது. முன்னதாக இதே ஸ்மார்ட்போன் சீன சந்தையில் ஏற்கனவே அறிமுகம் செய்யப்பட்டு விட்டது.
புதிய போக்கோ ஸ்மார்ட்போன் குவால்காம் ஸ்னாப்டிராகன் 662 பிராசஸர், மூன்று பிரைமரி கேமரா சென்சார்களை கொண்டிருக்கிறது. சீனாவில் இதன் விலை இந்திய மதிப்பில் ரூ. 11 ஆயிரம் வரை நிர்ணயம் செய்யப்பட்டு இருக்கிறது. இதன் இந்திய வெளியீடு பற்றி போக்கோ இதுவரை எந்த தகவலையும் வழங்கவில்லை.
எனினும், இந்தோனேசியா சந்தையில் போக்கோ எம்3 ஸ்மார்ட்போன் ஜனவரி 21 ஆம் தேதி அறிமுகம் செய்யப்படுகிறது. இந்நிலையில், தற்சமயம் வெளியாகி இருக்கும் தகவல்களில் புதிய போக்கோ எம்3 ஸ்மார்ட்போன் இந்தியாவில் பிப்ரவரி மாத வாக்கில் அறிமுகம் செய்யப்படலாம் என கூறப்படுகிறது.
இதன் இந்திய வேரியண்ட் M2010J19CI எனும் மாடல் நம்பர் கொண்டிருக்கிறது. இது 4 ஜிபி + 64 ஜிபி மற்றும் 4 ஜிபி + 128 ஜிபி என இரு வேரியணட்களில் கிடைக்கிறது. இதன் டாப் எண்ட் மாடல் விலை இந்திய மதிப்பில் ரூ. 12,500 என நிர்ணயிக்கப்பட்டு உள்ளது.