தொழில்நுட்பம்
சாம்சங் கேலக்ஸி எப்12

ரூ. 8999 துவக்க விலையில் புது சாம்சங் ஸ்மார்ட்போன்கள் அறிமுகம்

Published On 2021-04-05 11:08 GMT   |   Update On 2021-04-05 11:08 GMT
சாம்சங் நிறுவனத்தின் இரு கேலக்ஸி எப் சீரிஸ் ஸ்மார்ட்போன்கள் இந்திய சந்தையில் அறிமுகம் செய்யப்பட்டன.


சாம்சங் நிறுவனம் ஏற்கனவே அறிவித்தப்படி கேலக்ஸி எப்02எஸ் மற்றும் கேலக்ஸி எப்12 ஸ்மார்ட்போன்களை இந்தியாவில் அறிமுகம் செய்தது. கேலக்ஸி எப்12 மாடலில் 6.5 இன்ச் ஹெச்டி பிளஸ் இன்பினிட்டி வி டிஸ்ப்ளே, எக்சைனோஸ் 850 பிராசஸர், அதிகபட்சம் 4 ஜிபி ரேம், ஆண்ட்ராய்டு 11 மற்றும் ஒன் யுஐ 3.0 வழங்கப்பட்டு உள்ளது.

இத்துடன் 48 எம்பி பிரைமரி கேமரா, 5 எம்பி அல்ட்ரா வைடு கேமரா, 2 எம்பி டெப்த், 2 எம்பி மேக்ரோ சென்சார் மற்றும் 8 எம்பி செல்பி கேமரா வழங்கப்பட்டு இருக்கிறது. பக்கவாட்டில் கைரேகை சென்சார் கொண்டிருக்கும் கேலக்ஸி எப்12 ஸ்மார்ட்போன் 6000 எம்ஏஹெச் பேட்டரி, 15 வாட் அடாப்டிவ் பாஸ்ட் சார்ஜிங் வசதி கொண்டுள்ளது.



கேலக்ஸி எப்02எஸ் மாடலில் 6.5 இன்ச் ஹெச்டி பிளஸ் இன்பினிட்டி வி டிஸ்ப்ளே, ஆக்டாகோர் ஸ்னாப்டிராகன் 450 பிராசஸர், அதிகபட்சம் 4 ஜிபி ரேம், ஆண்ட்ராய்டு 11 மற்றும் ஒன் யுஐ 3.0 வழங்கப்பட்டு உள்ளது.

இத்துடன் 13 எம்பி பிரைமரி கேமரா, 2 எம்பி டெப்த், 2 எம்பி மேக்ரோ சென்சார் மற்றும் 5 எம்பி செல்பி கேமரா வழங்கப்பட்டு இருக்கிறது. கேலக்ஸி எப்02எஸ் ஸ்மார்ட்போன் 5000 எம்ஏஹெச் பேட்டரி, 15 வாட் பாஸ்ட் சார்ஜிங் வசதி கொண்டுள்ளது.
Tags:    

Similar News