செய்திகள்
இலங்கை அணி வீரர்கள்

வெஸ்ட் இண்டீசுக்கு எதிரான முதல் டெஸ்ட் - இலங்கை அணி பேட்டிங்

Published On 2021-11-21 06:56 GMT   |   Update On 2021-11-21 06:56 GMT
வெஸ்ட் இண்டீஸ் அணிக்கெதிரான முதல் டெஸ்ட் போட்டியில் இலங்கை அணி உணவு இடைவேளை வரை விக்கெட் இழப்பின்றி 61 ரன்கள் எடுத்துள்ளது.

இலங்கை:

பிராத்வெய்ட் தலைமையிலான வெஸ்ட இண்டீஸ் கிரிக்கெட் அணி 2 டெஸ்ட் போட்டிகளில் விளையாடுவதற்காக இலங்கை சென்றுள்ளது.

இலங்கை- வெஸ்ட் இண்டீஸ் அணிகள் மோதும் முதல் டெஸ்ட் போட்டி காலே மைதானத்தில் இன்று தொடங்கியது. இலங்கை கேப்டன் கருணாரத்னே டாஸ் வென்று தனது அணி முதலில் பேட்டிங் செய்யும் என்று அறிவித்தார். அவரும், நிஷாங்காவும் தொடக்க வீரர்களாக களம் இறங்கினார்கள்.

இருவரும் மிகவும் நிதானமாக ஆடி ரன்களை சேர்த்தனர். வெஸ்ட் இண்டீஸ் அணி தொடக்க ஜோடியை பிரிக்கும் வகையில் பந்துவீச்சு முறையை மேற்கொண்டது. ஆனால் உணவு இடைவேளை வரை இலங்கை அணி விக்கெட் இழப்பின்றி 61 ரன்களை எடுத்துள்ளது.

Tags:    

Similar News