திருவையாறு ஐயாறப்பர் கோவில் சப்தஸ்தான விழா

திருவையாறில் பிரசித்தி பெற்ற ஐயாறப்பர் கோவில் உள்ளது. இந்த கோவிலில் ஆண்டுதோறும் சித்திரை திருவிழா சிறப்பாக நடைபெறுவது வழக்கம். இந்த ஆண்டுக்கான விழா கடந்த 17-ந் தேதி தொடங்கியது.

கொரோனாவை முன்னிட்டு தமிழக அரசு திருவிழாக்கள் நடத்த தடைவிதித்ததை தொடர்ந்து கோவில் உள் பிரகாரத்திலேயே சாமி புறப்பாடு நடைபெற்றது. விழாவின் முக்கிய நிகழ்ச்சியான ஏழுர் சப்தஸ்தான விழா பக்தர்கள் இ்ன்றி நடைபெற்றது.

விழாவில் ஐயாறப்பர் அறம்வளர்த்த நாயகியுடன் கண்ணாடி பல்லக்கிலும், நந்திகேஸ்வரர் சுயசுவாம்பிகையுடன் வெட்டிவேர் பல்லக்கிலும் கோவில் உள்பிரகாரத்தில் வலம் வந்து பொம்மை பூப்போடும் நிகழ்ச்சி நடைபெற்றது.