விரைவில் புது பீச்சர் போன் அறிமுகம் செய்யும் ரியல்மி டிசோ

ரியல்மியின் துணை பிராண்டு டிசோ இந்தியாவில் புது பீச்சர் போன் மாடலை அறிமுகம் செய்ய இருக்கிறது. கடந்த வாரம் டிசோ பிராண்டின் புது ஆடியோ சாதனங்கள் அறிமுகம் செய்யப்பட்டன. அந்த வரிசையில் தற்போது பீச்சர் போன் அறிமுகமாக இருக்கிறது. இந்த போனில் கேமரா வழங்கப்படுகிறது.

டீசரின் படி புது பீச்சர் போன் அசத்தலான அனுபவத்தை வழங்கும் அம்சங்களை கொண்டிருக்கும் என தெரிகிறது. இந்த போனின் சரியான வெளியீட்டு தேதி இன்னும் அறிவிக்கப்படவில்லை. புது பீச்சர் போன் ஸ்டார் 5 என அழைக்கப்படும் என கூறப்படுகிறது. முன்னதாக இந்த போனின் விவரங்கள் இணையத்தில் வெளியாகி இருந்தது.

ஸ்டார் சீரிசில் குறைந்த விலை மொபைல் போன்களை அறிமுகம் செய்ய டிசோ திட்டமிட்டு இருப்பதாக கூறப்படுகிறது. ஏற்கனவே டிசோ ஸ்டார் 5 விவரங்கள் எப்.சி.சி. வலைதளத்தில் இடம்பெற்று இருந்தது. அதன்படி இந்த மாடலில் டூயல் சிம் வசதி, 2ஜி கனெக்டிவிட்டி, மைக்ரோ எஸ்டி ஸ்லாட், 1830 எம்ஏஹெச் பேட்டரி வழங்கப்படும் என குறிப்பிடப்பட்டது.