ஆட்டோமொபைல்

விரைவில் இந்தியா வரும் யு.எம். அட்வென்சர் 200

Published On 2019-01-14 13:51 GMT   |   Update On 2019-01-14 13:51 GMT
யு. எம். மோட்டார்சைக்கிள்ஸ் நிறுவனம் துவக்கநிலை அட்வென்ச்சர் மோட்டார்சைக்கிளை விரைவில் இந்தியாவில் அறிமுகம் செய்ய இருக்கிறது. #adventure #motorcycles



யு. எம். மோட்டார்சைக்கிள்ஸ் நிறுவனம் துவக்க நிலை மோட்டார்சைக்கிளை இந்தியாவில் அறிமுகம் செய்யத் திட்டமிட்டுள்ளது. டி.எஸ்.ஆர். அட்வென்சர் 200 என்ற பெயரில் இந்த மோட்டார்சைக்கிள் அறிமுகமாக இருக்கிறது. 

இந்தியாவில் புதிய டி.எஸ்.ஆர். அட்வென்சர் 200 மோட்டார்சைக்கிளின் விலை ரூ. 1.39 லட்சம் வரை நிர்ணயம் செய்யப்படலாம் என எதிர்பார்க்கப்படுகிறது. இந்த மாடலில் ஏ.பி.எஸ். வசதி வழங்கப்படுகிறது. இத்துடன் அட்வென்ச்சர் ரக மோட்டார்சைக்கிள்களில் வழங்கப்படும் அனைத்து சிறப்பம்சங்களும் இதில் வழங்கப்படுகின்றன. 


புகைப்படம் நன்றி: BikeWale

புதிய டி.எஸ்.ஆர். அட்வென்சர் 200 மோட்டார்சைக்கிளில் 196 சி.சி. திறன் கொண்ட என்ஜின் வழங்கப்படுகிறது. இது ஏர் கூல்டு 2 வால்வு, கார்புரேட்டர் ஒற்றை சிலிண்டர் உள்ளிட்டவை என்ஜினின் சிறப்பம்சமாக இருக்கிறது. இந்த என்ஜின் 16 பி.ஹெச்.பி. பவர் @8,500 ஆர்.பி.எம். மற்றும் 16 என்.எம். டார்க் @6,500 ஆர்.பி.எம். செயல்திறனை வெளிப்படுத்தக் கூடியது.

இந்த என்ஜின் 6-ஸ்பீடு கியர்பாக்ஸ் உடன் வழங்கப்படுகிறது. 14 லிட்டர் கொள்ளளவு கொண்ட பெட்ரோல் டேங்க் இதன் சிறப்பம்சமாகும். சாகச மோட்டார் சைக்கிளுக்குரிய விண்ட் ஸ்கிரீன் இதில் உள்ளது. 

இந்தியாவில் டி.எஸ்.ஆர். அட்வென்சர் 200 மோட்டார்சைக்கிள் ஆலிவ் கிரீன், மிட்நைட் பிளாக், பிரிக் ரெட், ஆக்டேன் புளூ ஆகிய நான்கு வித நிறங்களில் கிடைக்கும் என எதிர்பார்க்கப்படுகிறது.
Tags:    

Similar News