தொழில்நுட்பம்
ரியல்மி

இணையத்தில் லீக் ஆன ரியல்மி லேப்டாப் விலை

Published On 2021-08-16 10:10 GMT   |   Update On 2021-08-16 10:10 GMT
ரியல்மி நிறுவனத்தின் முதல் லேப்டாப் மாடல் விரைவில் இந்திய சந்தையில் அறிமுகமாக இருக்கிறது.


ரியல்மி நிறுவனம் இந்தியா மற்றும் ஐரோப்பாவில் முதல் லேப்டாப் மாடலை அறிமுகம் செய்யும் பணிகளில் ஈடுபட்டு வருகிறது. இந்திய சந்தையில் புதிய ரியல்மி புக் ஸ்லிம் லேப்டாப் துவக்க விலை ரூ. 55 ஆயிரம் வரை இருக்கும் என தகவல் வெளியாகி உள்ளது.



ரியல்மி புக் ஸ்லிம் லேப்டாப் புதிய விண்டோஸ் ஓ.எஸ்., 3:2 ஸ்கிரீன் ரேஷியோ 2160x1440 பிக்சல் ரெசல்யூஷன் கொண்டிருக்கிறது. இந்த லேப்டாப் 55Wh பேட்டரி, 65 வாட் பாஸ்ட் சார்ஜிங் வசதி கொண்டிருக்கிறது. கனெக்டிவிட்டிக்கு யு.எஸ்.பி. டைப் சி போர்ட், யு.எஸ்.பி. 3.2 போர்ட், 3.5 எம்.எம். ஹெட்போன் ஜாக் வழங்கப்படுகிறது. 

முந்தைய தகவல்களில் இந்த லேப்டாப் 11-ம் தலைமுறை பிராசஸர் கொண்டிருக்கும் என கூறப்பட்டது. தற்போதைய டீசர்களின்படி புதிய ரியல்மி லேப்டாப் ஐ5 சி.பி.யு. கொண்டிருக்கும் என தெரியவந்துள்ளது. ரியல்மி புக் ஸ்லிம் மாடலில் 14 இன்ச் டிஸ்ப்ளே, அதிகபட்சம் 16 ஜிபி ரேம், 512 ஜிபி எஸ்.எஸ்.டி. வழங்கப்படுகிறது. 

Tags:    

Similar News