தொழில்நுட்பச் செய்திகள்
150W வேகமான சார்ஜிங் வசதியுடன் அறிமுகமாகவுள்ள ரியல்மி ஸ்மார்ட்போன்
ரியல்மி ஜிடி நியோ 2 ஸ்மார்ட்போனில் ஸ்னேப்டிராகன் பிராசஸர் வழங்கப்பட்ட நிலையில், இந்த புதிய போனில் மீடியாடெக் வழங்கப்படவுள்ளது.
ரியல்மி நிறுவனத்தின் ஜிடி நியோ 3 ஸ்மார்ட்போன் விரைவில் இந்தியாவில் வெளியாகும் என தெரிவிக்கப்பட்டுள்ளது.
இந்த ஸ்மார்ட்போனில் 6.7-inch FHD+ OLED டிஸ்பிளே, 120Hz ரெஃப்ரெஷ் ரேட்டுடன் வழங்கப்படுகிறது. அதேபோல இதில் MediaTek Dimensity 8100 பிராசஸர் வழங்கப்படும் என கூறப்படுகிறது. ரியல்மி ஜிடி நியோ 2 ஸ்மார்ட்போனில் ஸ்னேப்டிராகன் பிராசஸர் வழங்கப்பட்ட நிலையில், இந்த புதிய போனில் மீடியாடெக் வழங்கப்படவுள்ளது.
கேமராவை பொறுத்தவரை 50MP சோனி IMX766 ஷூட்டர் OIS, 8 மெகாபிக்ஸல் அல்ட்ரா வைட் ஆங்கிள் ஷூட்டர், 2 மெகாபிக்ஸல் டெலிமேக்ரோ ஷூட்டர் ஆகியவை வழங்கப்படவுள்ளன. மேலும் இந்த கேமராவின் முன்பக்கம் 32 மெகாபிக்ஸல் செல்ஃபி சென்சார் வழங்கப்படவுள்ளது.
பேட்டரியை பொறுத்தவரை 5000mAh பேட்டரி 150W ஃபாஸ்ட் சார்ஜிங் சப்போர்ட்டுடன் வழங்கப்படவுள்ளது.
இந்த போனிற்கான டீசர் தற்போது ட்விட்டரில் வெளியிடப்பட்டுள்ளது.