லைஃப்ஸ்டைல்
செட்டிநாடு முந்திரி சிக்கன் கிரேவி

செட்டிநாடு முந்திரி சிக்கன் கிரேவி

Published On 2020-02-20 08:35 GMT   |   Update On 2020-02-20 08:35 GMT
இட்லி, தோசை, நாண், சப்பாத்தி, சாதத்துடன் சாப்பிட செட்டிநாடு முந்திரி சிக்கன் கிரேவி அருமையாக இருக்கும். இன்று இந்த ரெசிபி செய்முறையை பார்க்கலாம்.
தேவையான பொருட்கள்

சிக்கன் - 1/2 கிலோ
சின்ன வெங்காயம் - 150 கிராம்
இஞ்சி - சிறிதளவு
பூண்டு - 10
முந்திரி - 10
மிளகாய்த்தூள் - அரை ஸ்பூன்
மல்லித்தூள் - ஒரு ஸ்பூன்
மஞ்சள்தூள் - சிறிதளவு
மிளகு  -  அரை ஸ்பூன்
சீரக - அரை ஸ்பூன்
சோம்பு - கால் ஸ்பூன்
கசகசா - கால் ஸ்பூன்
பட்டை, கிராம்பு - சிறிதளவு
ஏலக்காய் - 2
ஜாதிக்காய் - 1
புதினா, மல்லி - சிறிதளவு
நெய் - 4 ஸ்பூன்
எலுமிச்சை ஜூஸ் - 1 ஸ்பூன்
சோயா சாஸ் - ஸ்பூன்
தயிர் - 1 ஸ்பூன்
பால் - 2 ஸ்பூன்



செய்முறை

இஞ்சி பூண்டை விழுதாக அரைத்து கொள்ளவும்.

சின்ன வெங்காயத்தை பொடியாக நறுக்கி கொள்ளவும்.

முந்திரி, மிளகு, சீரகம், சோம்பு, கசகசா, பட்டை, கிராம்பு, ஜாதிக்காய், புதினா மல்லித்தழையை மிக்ஸியில் போட்டு நன்கு அரைக்கவும்.

ஒரு பாத்திரத்தில் கழுவிய சிக்கனை போட்டு, அதில் இஞ்சி, பூண்டு விழுது, முந்திரி, மிளகு விழுது, மிளகாய்த்தூள், மல்லித்தூள், மஞ்சள் தூள், தயிர், நெய், எலுமிச்சை சாறு, சோயா சாஸ், தேவையான அளவு உப்பு, அரைத்த மசாலாவை போட்டு நன்கு பிசைந்து வைக்கவும்.

வாணலியில் எண்ணெய் ஊற்றி சூடானதும் நறுக்கிய வெங்காயத்தை போட்டு நன்கு வதக்கவும்.

வெங்காயம் நன்றாக வதங்கியதும் சிக்கன் மசாலா கலவையை போட்டு, மிதமான தீயில் கிளறவும்.

தேவைப்பட்டால் சிறிதளவு தண்ணீர் சேர்க்கலாம்.

தண்ணீர் சுண்டி சிக்கன் வெந்ததும் இறக்கவும்.

சூப்பரான செட்டிநாடு முந்திரி சிக்கன் கிரேவி ரெடி.

இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
Tags:    

Similar News