செய்திகள்

சிபிஎல் 2018- ஜமைக்கா தல்லாவாஸ் அணியை 2 ரன்னில் வீழ்த்தியது பார்படோஸ் டிரிடென்ட்ஸ்

Published On 2018-08-23 15:35 GMT   |   Update On 2018-08-23 15:35 GMT
கரிபியன் பிரீமியர் லீக்கில் ஜமைக்கா தல்லாவாஸ் அணியை 2 ரன்கள் வித்தியாசத்தில் வீழ்த்தியது பார்படோஸ் டிரிடென்ட்ஸ் #CPL2018
கரிபியின் பிரீமியர் லீக் டி20 போட்டியில் புளோரிடாவில் நடைபெற்ற ஆட்டத்தில் ஜமைக்கா தல்லாவாஸ் - பார்படோஸ் டிரிடென்ட்ஸ் அணிகள் மோதின. டாஸ் வென்ற ஜமைக்கா பந்து வீச்சு தேர்வு செய்தது.

அதன்படி பார்படோஸ் அணியின் வெயின் ஸ்மித், ஹசிம் அம்லா ஆகியோர் தொடக்க வீரர்களாக களம் இறங்கினார்கள். வெயின் ஸ்மித் 18 ரன்னிலும், ஹசிம் அம்லா 15 ரன்னிலும் ஆட்டமிழந்தனர். அதன்பின் வந்த மார்ட்டின் கப்தில் ரன்ஏதும் எடுக்காமல் டக்அவுட் ஆனார்.

அதன்பின் வந்த ஸ்டீவன் ஸ்மித் 44 பந்தில் 63 ரன்களும், ஷாய் ஹோப் 35 பந்தில் 43 ரன்களும் அடிக்க 20 ஓவரில் 6 விக்கெட் இழப்பிற்கு 156 ரன்கள் சேர்த்தது.

பின்னர் 157 ரன்கள் அடித்தால் வெற்றி என்ற இலக்குடன் ஜமைக்கா அணி களம் இறங்கியது. தொடக்க வீரர் க்ளென் பிலிப்ஸ் 36 ரன்களும், ஜான்சன் சார்லஸ் 42 ரன்களும் அடித்து வெளியேறினார்கள். 3-வது வீரராக களம் இறங்கிய கென்னார் லெவிஸ் 17 ரன்னில் வெளியேறினார்.



4-வது விக்கெட்டுக்கு ராஸ் டெய்லருடன் டேவிட் மில்லர் ஜோடி சேர்ந்தார். அப்போது ஜமைக்கா அணியின் வெற்றிக்கு 7.1 ஓவரில் (43 பந்தில்) 57 ரன்கள் தேவைப்பட்டது. ஆனால் இருவரும் கடைசி வரை களத்தில் நின்றும் 57 ரன்கள் அடிக்க முடியவில்லை. அவர்களால் 20 ஓவரில் 3 விக்கெட் இழப்பிற்கு 154 ரன்கள் மட்டுமே எடுக்க முடிந்தது. இதனால் பார்படோஸ் அணி 2 ரன் வித்தியாசத்தில் வெற்றி பெற்றது.
Tags:    

Similar News