2021 வோக்ஸ்வேகன் டிகுவான் ஆல்ஸ்பேஸ் பேஸ்லிப்ட் டீசர் வெளியீடு

2021 வோக்ஸ்வேகன் டிகுவான் ஆல்ஸ்பேஸ் பேஸ்லிப்ட் மாடலுக்கான டீசர் வெளியாகி உள்ளது. இந்தியாவில் டிகுவான் ஆல்ஸ்பேஸ் மாடல் கடந்த ஆண்டு அறிமுகம் செய்யப்பட்டது. எனினும், சர்வதேச சந்தையில் இந்த மாடல் மூன்று ஆண்டுகளாக விற்பனை செய்யப்பட்டு வருகிறது. இதன் காரணமாக தற்போது பேஸ்லிபிட் மாடல் அறிமுகமாகிறது.

டீசர் புகைப்படத்தின் படி புது டிகுவான் ஆல்ஸ்பேஸ் பேஸ்லிப்ட் மாடலின் பக்கவாட்டு மற்றும் பின்புறங்களில் அதிக மாற்றங்கள் செய்யப்படாது என தெரியவந்துள்ளது. இந்த மாடலில் புது எல்இடி ஹெட்லைட்கள், வோக்ஸ்வேகன் நிறுவனத்தின் IQ லைட்டிங் தொழில்நுட்பம் வழங்கப்படுகிறது.

இத்துடன் டிகுவான் ஆல்ஸ்பேஸ் பேஸ்லிப்ட் மாடலில் புது அலாய் வீல்கள் வழங்கப்படுகிறது. பூட் பகுதியை கைகள் இன்றி திறந்து மூடும் வசதியும் வழங்கப்படுகிறது. இவற்றுடன் புதிய கண்ட்ரோல் சிஸ்டம், அதிநவீன டிரைவர் அசிஸ்டண்ட் சிஸ்டம் உள்ளிட்டவை வழங்கப்பட இருக்கிறது.