ஆட்டோமொபைல்
ஹீரோ எக்ஸ்பல்ஸ் 200எஸ் பிஎஸ்6

விரைவில் இந்தியா வரும் ஹீரோ எக்ஸ்பல்ஸ் 200 பிஎஸ்6

Published On 2020-07-06 04:53 GMT   |   Update On 2020-07-06 04:53 GMT
ஹீரோ மோட்டோகார்ப் நிறுவனத்தின் எக்ஸ்பல்ஸ் 200 பிஎஸ்6 மோட்டார்சைக்கிள் விரைவில் இந்தியாவில் அறிமுகமாகி இருக்கிறது.

ஹீரோ எக்ஸ்பல்ஸ் 200 பிஎஸ்6 மோட்டார்சைக்கிள் விரைவில் இந்திய சந்தையில் அறிமுகம் செய்யப்பட இருக்கிறது. வெளியீட்டுக்கு முன் புதிய மோட்டார்சைக்கிள் விவரங்கள் அதன் அதிகாரப்பூர்வ வலைதளத்தில் பதிவேற்றம் செய்யப்பட்டு இருக்கிறது.

புதிய மோட்டார்சைக்கிளில் 199சிசி என்ஜின் வழங்கப்பட்டு இருக்கிறது. பிஎஸ்4 வெர்ஷனில் இந்த என்ஜின் 17.8 பிஹெச்பி பவர், 17.1 என்எம் டார்க் செயல்திறன் வழங்குகிறது. புதிய பிஎஸ்6 என்ஜின் ஆயில்-கூலிங் தொழில்நுட்பம் கொண்டிருக்கிறது. 



முந்தைய தகவல்களின் படி எக்ஸ்பல்ஸ் 200 பிஎஸ்6 மோட்டார்சைக்கிள் மாடலில் ரீரூட் செய்யப்பட்ட எக்சாஸ்ட், பெரிய பேஷ் பிளேட் கொண்டிருக்கிறது. இவைதவிர புதிய மோட்டார்சைக்கிளில் எந்த மாற்றங்களும் மேற்கொள்ளப்படவில்லை. 

இந்தியாவில் ஃபியூயல் இன்ஜெக்ட் செய்யப்பட்ட பிஎஸ்4 என்ஜின் கொண்ட ஹீரோ எக்ஸ்பல்ஸ் 200 விலை ரூ. 1.06 லட்சம், எக்ஸ் ஷோரூம் என நிர்ணயம் செய்யப்பட்டு இருக்கிறது. புதிய மோட்டார்சைக்கிள் விலை ரூ. 5 ஆயிரம் வரை அதிகமாக இருக்கும் என கூறப்படுகிறது. 
Tags:    

Similar News