ஆட்டோ டிப்ஸ்
மாருதி சுசுகி பலேனோ

விற்பனையில் புது மைல்கல் எட்டிய மாருதி கார்

Published On 2021-12-09 09:53 GMT   |   Update On 2021-12-09 09:53 GMT
மாருதி சுசுகி நிறுவனத்தின் பிரீமியம் ஹேட்ச்பேக் மாடலான பலேனோ இந்திய விற்பனையில் பத்து லட்சம் யூனிட்களை கடந்துள்ளது.
 

மாருதி சுசுகி நிறுவனத்தின் பலேனோ பிரீமியம் ஹேட்ச்பேக் மாடல் இந்திய விற்பனையில் பத்து லட்சம் யூனிட்களை கடந்துள்ளது. நெக்சா விற்பனையகங்கள் மூலம் விற்பனை செய்யப்படும் பலேனோ மாடல் மாருதி சுசுகி நிறுவனத்தின் பிரீமியம் மாடல்களில் ஒன்றாக இருக்கிறது.

இந்திய சந்தையில் அதிவேகமாக பத்து லட்சம் யூனிட்கள் விற்பனையை கடந்த ஹேட்ச்பேக் மாடல் என்ற பெருமையை மாருதி சுசுகி பலேனோ பெற்று இருக்கிறது. இந்திய சந்தையின் பிரீமியம் ஹேட்ச்பேக் மாடல்கள் பிரிவில் பலேனோ மாடல் மட்டும் 25 சதவீதத்திற்கும் அதிக பங்குகளை பெற்று இருக்கிறது.



மாருதி சுசுகி பலேனோ மாடல் இந்தியாவில் ஹூண்டாய் ஐ20, டொயோட்டா கிளான்சா, டாடா அல்ட்ரோஸ் மற்றும் ஹோண்டா ஜாஸ் போன்ற மாடல்களுக்கு போட்டியாக அமைகிறது. இந்தியாவில் பலேனோ மாடல் 2015 ஆண்டு அக்டோபர் மாதத்தில் அறிமுகம் செய்யப்பட்டது. ஒரே வருடத்தில் இந்த கார் ஒரு லட்சம் யூனிட்கள் விற்பனையை கடந்தது.
Tags:    

Similar News