இசிம் காலிங் வசதியுடன் அமேஸ்பிட் GTR 2 LTE அறிமுகம்

Published On 2021-07-15 09:35 GMT | Update On 2021-07-15 09:35 GMT

அமேஸ்பிட் GTR 2 LTE ஸ்மார்ட்வாட்ச் இதய துடிப்பு சென்சார் மற்றும் SpO2 மாணிட்டரிங் போன்ற அம்சங்களை கொண்டுள்ளது.

அமேஸ்பிட் நிறுவனத்தின் புதிய GTR 2 LTE ஸ்மார்ட்வாட்ச் சர்வதேச சந்தையில் அறிமுகம் செய்யப்பட்டு இருக்கிறது. புது ஸ்மார்ட்வாட்ச் இசிம் காலிங் வசதி கொண்டிருக்கிறது.

புதிய LTE தவிர மற்ற அம்சங்கள் ஏற்கனவே அறிமுகம் செய்யப்பட்ட அமேஸ்பிட் GTR 2 மாடலில் உள்ளதை போன்றே வழங்கப்பட்டு இருக்கிறது. புதிய அமேஸ்பிட் GTR 2 LTE வட்ட வடிவ டையல், சிலிகான் ஸ்டிராப், இதய துடிப்பு சென்சார் மற்றும் SpO2 மாணிட்டரிங் போன்ற அம்சங்களை கொண்டுள்ளது.

மேலும் இந்த ஸ்மார்ட்வாட்ச் வைபை, ப்ளூடூத், ஜி.பி.எஸ்., என்.எப்.சி. போன்ற கனெக்டிவிட்டி அம்சங்களை கொண்டிருக்கிறது. புதிய அமேஸ்பிட் GTR 2 LTE விலை 249 யூரோக்கள் இந்திய மதிப்பில் ரூ. 21,900 ஆகும். இதன் இந்திய வெளியீடு குறித்து இதுவரை எந்த தகவலும் இல்லை.