புது ஸ்மார்ட்போன் வெளியீட்டு தேதியை அறிவித்த ரியல்மி

ரியல்மி இந்தியா மூன்றாவது ஆண்டு விழாவை முன்னிட்டு இந்த ஆண்டின் மிகப்பெரும் நிகழ்வுக்கு ஏற்பாடு செய்யப்பட்டு இருக்கிறது. மே 4 ஆம் தேதி நடைபெற இருக்கும் இந்த நிகழ்வில் மீடியாடெக் டிமென்சிட்டி 1200 பிராசஸர் கொண்ட ஸ்மார்ட்போன் அறிமுகம் செய்யப்பட இருக்கிறது.

இத்துடன் டால்பி விஷன் மற்றும் ஆடியோ, ஹேண்ட்ஸ்-ஃப்ரீ வாய்ஸ் கண்ட்ரோல் கொண்ட புது ஸ்மார்ட் டிவியும் இந்த நிகழ்வில் அறிமுகமாகிறது. மேலும் இந்த ஆண்டின் இந்தியாவில் அறிமுகமாகும் சாதனங்களில் பாதி 5ஜி கனெக்டிவிட்டி கொண்டிருக்கும். 

ரூ. 20 ஆயிரத்திற்கும் அதிக விலையில் வெளியாகும் அனைத்து ஸ்மார்ட்போன்களிலும் 5ஜி வழங்கப்படும். இதோடு குறைந்த விலை 5ஜி ஸ்மார்ட்போன்களை அறிமுகம் செய்யவும் ரியல்மி திட்டமிட்டு இருக்கிறது. இதுபற்றிய கூடுதல் விவரங்கள் வரும் நாட்களில் வெளியாகும் என தெரிவிக்கப்பட்டுள்ளது.