களக்காடு அருகே தலைமை ஆசிரியை தற்கொலை முயற்சி

களக்காடு:

சம்பவத்தன்று லில்லி வீட்டில் இருந்த கற்பூரத்தை கரைத்து குடித்து மயங்கி விழுந்தார். கணவர் மற்றும் உறவினர்கள் அவரை மீட்டு சிகிச்சைக்காக நாங்குநேரி அரசு மருத்துவமனையில் அனுமதித்தனர்.

அங்கிருந்து மேல் சிகிச்சைக்காக லில்லி நெல்லை அரசு மருத்துவமனைக்கு அனுப்பி வைக்கப்பட்டார். அங்கு அவருக்கு சிகிச்சை அளிக்கப்பட்டு வருகிறது. இதுபற்றி களக்காடு போலீசில் புகார் செய்யப்பட்டது. அதன் பேரில் போலீசார் விசாரணை நடத்தினர்.

அப்போது லில்லி அதே பகுதியை சேர்ந்த 2 பெண்களிடம் தலா ரூ.1.5 லட்சம் வீதம் கடன் வாங்கி இருந்ததும், அதில் குறிப்பிட்ட தொகையை திருப்பி கொடுத்த பிறகும் அவர்கள் பணம் தரவில்லை என கூறி லில்லியிடம் தகராறும் செய்துள்ளனர்.

சம்பவத்தன்று லில்லிக்கு பணம் கொடுத்தவர்களில் ஒருவரான பார்வதி என்ற பெண் அவரை அவதூறாக பேசி மிரட்டியதும் விசாரணையில் தெரியவந்தது. இதனால் மனம் உடைந்த லில்லி தற்கொலைக்கு முயன்று இருக்கலாம் என போலீசார் கருதுகின்றனர்.

இதையடுத்து பார்வதி மீது போலீசார் வழக்குப்பதிவு செய்து விசாரணை நடத்தி வருகின்றனர்.