தொழில்நுட்பம்
மேக்சேஃப் பேட்டரி பேக்

ஐபோன் 12 சீரிஸ் மாடல்களுக்கு மேக்சேஃப் பேட்டரி அறிமுகம்

Published On 2021-07-14 09:39 GMT   |   Update On 2021-07-14 09:39 GMT
ஆப்பிள் நிறுவனம் ஐபோன் 12 சீரிஸ் மாடல்களுக்கான மேக்சேஃப் பேட்டரி பேக்-ஐ இந்தியாவில் அறிமுகம் செய்தது.


ஆப்பிள் நிறுவனத்தின் புதிய மேக்சேஃப் பேட்டரி பேக் (Magsafe Battery Pack) ஐபோன் 12 சீரிஸ் மாடல்களுக்கு அறிமுகம் செய்யப்பட்டது. வழக்கமாக ஐபோன் மாடல்களுக்கென பேட்டரி கேஸ் சாதனத்தை ஆப்பிள் அறிமுகம் செய்யும். ஆனால் இம்முறை அறிமுகமாகி இருக்கும் மேக்சேஃப் பேட்டரி பேக் ஐபோனின் பின்புறம் காந்த சக்தி மூலம் ஒட்டிக்கொள்ளும்.



புதிய மேக்சேஃப் பேட்டரி பேக் ஐபோன் 12 மினி, ஐபோன் 12, ஐபோன் 12 ப்ரோ மற்றும் ஐபோன் 12 ப்ரோ மேக்ஸ் போன்ற மாடல்களுக்கு பொருந்தும். இதை கொண்டு ஐபோன்களின் பேட்டரி ஆயுளை நீட்டித்துக் கொள்ள முடியும். இந்த பேட்டரி பேக் ஐபோனின் பின்புறம் வைத்ததும், ஐபோன் சார்ஜ் ஆக துவங்கி விடும்.

இதனை சார்ஜ் செய்வதற்கான கேபிள் வழங்கப்படவில்லை. இதனால் ஐபோனிற்கு கொடுக்கப்பட்ட கேபிள் கொண்டு மேக்சேஃப் பேட்டரி பேக் சார்ஜ் செய்து கொள்ள வேண்டும். மேக்சேஃப் பேட்டரி பேக் ஐபோனினை 5வாட் திறன் கொண்டு சார்ஜ்செய்யும். இந்தியாவில் ஐபோன் 12 சீரிஸ் மாடல்களுக்கான ஆப்பிள் மேக்சேஃப் பேட்டரி பேக் விலை ரூ. 10,990 ஆகும்.
Tags:    

Similar News