ஆட்டோமொபைல்
ஹோண்டா கிரேசியா ஸ்போர்ட்ஸ் எடிஷன்

இந்தியாவில் ஹோண்டா கிரேசியா ஸ்போர்ட்ஸ் எடிஷன் அறிமுகம்

Published On 2021-01-19 08:53 GMT   |   Update On 2021-01-19 08:53 GMT
இந்தியாவில் ஹோண்டா கிரேசியா ஸ்போர்ட்ஸ் எடிஷன் ஸ்கூட்டர் அறிமுகம் செய்யப்பட்டு இருக்கிறது. இதன் விவரங்களை பார்ப்போம்.


ஹோண்டா 2 வீலர்ஸ் இந்தியா நிறுவனம் தனது கிரேசியா 125சிசி ஸ்கூட்டரின் புதிய வேரியண்ட்டை இந்திய சந்தையில் அறிமுகம் செய்து உள்ளது. புதிய வேரியண்ட் கிரேசியா ஸ்போர்ட்ஸ் எடிஷன் என அழைக்கப்படுகிறது. இந்த ஸ்கூட்டர் மேம்பட்ட கிராபிக்ஸ் கொண்டிருக்கிறது.

அதன்படி புது வேரியண்ட்டில் ஸ்போர்ட்ஸ் எடிஷன் பேட்ஜ், ரேசிங் ஸ்டிரைப்கள், ரெட்-பிளாக் நிற சஸ்பென்ஷன் உள்ளிட்டவை வழங்கப்படுகிறது. இந்த ஸ்கூட்டர் பியல் நைட்ஸ்டார் பிளாக் மற்றும் ஸ்போர்ட்ஸ் ரெட் என இரண்டு நிறங்களில் கிடைக்கிறது. 



புதிய ஹோண்டா கிரேசியா ஸ்போர்ட்ஸ் எடிஷன் ஸ்கூட்டர் விலை ரூ. 82,564 எக்ஸ்-ஷோரூம் என நிர்ணயம் செய்யப்பட்டு உள்ளது. தோற்றம் தவிர புதிய ஸ்பெஷல் எடிஷன் ஸ்கூட்டரில் வேறு எந்த மாற்றங்களும் மேற்கொள்ளப்படவில்லை.

அந்த வகையில் கிரேசியா ஸ்போர்ட்ஸ் எடிஷன் ஸ்கூட்டரிலும் ஸ்டான்டர்டு மாடலில் உள்ளதை போன்றே 124சிசி, சிங்கில் சிலிண்டர், பிஎஸ்-6 ரக என்ஜின் வழங்கப்பட்டு இருக்கிறது. இந்த ஸ்கூட்டர் 8.14 பிஹெச்பி பவர், 10.3 என்எம் டார்க் செயல்திறன் வழங்குகிறது.
Tags:    

Similar News