பன்ச் ஹோல் டிஸ்ப்ளேவுக்கு மாறும் கூகுள் ஸ்மார்ட்போன்

 

 

கூகுள் பிக்சல் 4ஏ ஸ்மார்ட்போன் சமீபத்தில் பிஐஎஸ் சான்று பெற்றது. இதனால் இந்த ஸ்மார்ட்போன் விரைவில் இந்திய சந்தையில் அறிமுகம் செய்யப்படும் என எதிர்பார்க்கப்படுகிறது. 

தற்சமயம் வெளியீட்டுக்கு முன் கூகுள் நிறுவனமே புதிய ஸ்மார்ட்போனின் வடிவமைப்பை லீக் செய்து விட்டது. கூகுள் அதிகாரப்பூர்வ விற்பனை தளத்தில் கூகுள் பிக்சல் 4ஏ அதிகாரப்பூர்வ ரென்டர் வெளியானது. ரென்டர் விவரங்களின் படி இந்த ஸ்மார்ட்போன் பன்ச் ஹோல் ரக டிஸ்ப்ளே கொண்டிருக்கும் என தெரியவந்து உள்ளது. 

இதனால் முந்தைய பிக்சல் ஸ்மார்ட்போன்களை போன்று, புதிய மாடலில் பெரிய பெசல்கள் இருக்காது. இணையத்தில் லீக் ஆகி இருக்கும் ரென்டரில் கூகுள் பிக்சல் 4ஏ கருப்பு நிறம் கொண்டிருக்கிறது. மேலும் இதில் பச்சை நிற பவர் பட்டன், ஒற்றை செல்ஃபி கேமரா, பின்புறம் ஒற்றை கேமரா, எல்இடி ஃபிளாஷ் வழங்கப்படுகிறது.

இதன் பேக் பேனல் பார்க்க பிக்சல் 4 போன்றே காட்சியளிக்கிறது. பிக்சல் 4ஏ ஸ்மார்ட்போனின் பின்புறம் கைரேகை சென்சார் கொண்டிருக்கும் என தெரிகிறது. இதன் மேல்புறத்தில் ஸ்பீக்கர் கிரில் வழங்கப்படுகிறது. புதிய பிக்சல் ஸ்மார்ட்போனில் வைபை, ப்ளூடூத், என்எஃப்சி மற்றும் பல்வேறு அம்சங்கள் வழங்கப்படுகிறது.

- 5.8 இன்ச் ஃபுல் ஹெச்டி டிஸ்ப்ளே

- ஸ்னாப்டிராகன் 730 பிராசஸர்

- 4 அல்லது 6 ஜிபி ரேம்

- 64 ஜிபி மற்றும் 128 ஜிபி மெமரி வேரியண்ட்கள்  

- 12 எம்பி பிரைமரி கேமரா

- 8 எம்பி செல்ஃபி கேமரா

- 3080 எம்ஏஹெச் பேட்டரி

- 18 வாட் ஃபாஸ்ட் சார்ஜிங்

தற்போதைய தகவல்களின் படி புதிய கூகுள் பிக்சல் 4ஏ ஸ்மார்ட்போனின் விலை ரூ. 30 ஆயிரம் பட்ஜெட்டில் அறிமுகமாகும் என கூறப்படுகிறது. இந்தியாவில் இது ஐபோன் எஸ்இ 2020 மாடலுக்கு போட்டியாக இருக்கும் என தெரிகிறது.