முழு சார்ஜ் செய்தால் 439 கி.மீ. செல்லும் எம்ஜி இசட்.எஸ். பேஸ்லிப்ட்

எம்ஜி மோட்டார் நிறுவனம் இசட்.எஸ். இவி பேஸ்லிப்ட் மாடலை சர்வதேச சந்தையில் அறிமுகம் செய்தது. புதிய எலெக்ட்ரிக் கார் முழு சார்ஜ் செய்தால் 439 கிலோமீட்டர் வரை செல்லும் திறன் கொண்டிருக்கிறது. இந்தியாவில் ஏற்கனவே இசட்.எஸ். இவி மாடல் விற்பனை செய்யப்படும் நிலையில், பேஸ்லிப்ட் மாடல் அறிமுகம் செய்யப்படுமா என்பது கேள்விக்குறியாகவே உள்ளது.

சர்வதேச சந்தையில் விற்பனை செய்யப்படும் எம்ஜி இசட்.எஸ். இவி மாடலில் புதிய இன்போடெயின்மென்ட் சிஸ்டம், பெரிய பேட்டரி வழங்கப்பட்டு இருக்கிறது. இது நீண்ட தூரம் பயணிக்கும் திறன் மற்றும் சிறந்த செயல்திறன் வழங்குகிறது.

புதிய பேஸ்லிப்ட் மாடலின் முன்புறம் கூர்மையான எல்.இ.டி. ஹெட்லேம்ப்கள், டெயில் லைட்கள் வழங்கப்பட்டு இருக்கின்றன. இந்த காரில் கிரில் நீக்கப்பட்டு பிளேட் வழங்கப்பட்டு இருக்கிறது. முன்புற பம்ப்பர் மேம்படுத்தப்பட்டு இருக்கிறது.