ஆட்டோமொபைல்
என்டார்க்

விரைவில் இந்தியா வரும் என்டார்க் 125 எல்லோ ரேஸ் எடிஷன்

Published On 2020-08-09 06:15 GMT   |   Update On 2020-08-08 11:48 GMT
டிவிஎஸ் மோட்டார்ஸ் நிறுவனம் விரைவில் என்டார்க் 125 எல்லோ ரேஸ் எடிஷன் ஸ்கூட்டரை அறிமுகம் செய்ய இருப்பதாக தகவல் வெளியாகி உள்ளது.


டிவிஎஸ் மோட்டார் கம்பெனி நிறுவனம் விரைவில் என்டார்க் 125 ஸ்கூட்டரை எல்லோ மற்றும் பிளாக் நிறங்களில் அறிமுகம் செய்ய இருப்பதாக தகவல் வெளியாகி உள்ளது. 

தற்போதைய தகவல்களின் படி டிவிஎஸ் மோட்டார்ஸ் இரு வேரியண்ட்களை விற்பனையாளர்களுக்கு அனுப்ப துவங்கி விட்டதாக கூறப்படுகிறது. அந்த வகையில் புதிய நிறம் கொண்ட என்டார்க் ஸ்கூட்டர் விரைவில் விற்பனை மையங்களை வந்து சேரும் என எதிர்பார்க்கப்படுகிறது. 



இந்திய சந்தையில் என்டார்க் மாடலுக்கு அமோக வரேவேற்பு கிடைத்து வருகிறது. புதிய எல்லோ மற்றும் பிளாக் நிற வேரியண்ட்கள் அதிக வாடிக்கையாளர்களை ஈர்க்கும் என தெரிகிறது. 

டிவிஎஸ் என்டார்க் 125 பிஎஸ்6 மாடலில் 124.8சிசி ஏர் கூல்டு, மூன்று வால்வுகள் கொண்ட என்ஜின் வழங்கப்பட்டு உள்ளது. இந்த என்ஜின் 9.1  பிஹெச்பி பவர், 10.5 என்எம் டார்க் செயல்திறன் வழங்குகிறது. இந்த ஸ்கூட்டர் 12 இன்ச் அலாய் வீல்கள், முன்புறம் டெலிஸ்கோபிக் ஃபோர்க், பின்புறம் மோனோஷாக் சஸ்பென்ஷன் வழங்கப்பட்டு உள்ளது.

இந்திய சந்தையில் டிவிஎஸ் என்டார்க் 125 பிஎஸ்6 ஸ்கூட்டர் ஹோண்டா கிரேசியா, யமஹா ரே இசட்ஆர் 125, சுசுகி பர்க்மேன் ஸ்டிரீட் 125 மற்றும் ஹீரோ மேஸ்ட்ரோ எட்ஜ் 125 மாடல்களுக்கு போட்டியாக அமைகிறது.
Tags:    

Similar News