ரெட்மிபுக் வெளியீட்டு தேதி அறிவிப்பு

சியோமியின் ரெட்மிபுக் ஆகஸ்ட் 3 ஆம் தேதி இந்தியாவில் அறிமுகமாகிறது. சில தினங்களுக்கு முன் ரெட்மிபுக் இந்திய வெளியீட்டை உணர்த்தும் டீசரை சியோமி வெளியிட்டது. தற்போது இந்த மாடலின் வெளியீட்டு தேதி அறிவிக்கப்பட்டு இருக்கிறது. இது இந்தியாவில் வெளியாகும் முதல் ரெட்மி பிராண்டு லேப்டாப் ஆகும். 

எம்.ஐ. நோட்புக் சீரிஸ் மூலம் இந்திய லேப்டாப் சந்தையில் சியோமி நிறுவனம் கடந்த ஆண்டு களமிறங்கியது. தற்போது ரெட்மி பிராண்டு லேப்டாப்களும் இந்தியாவில் அறிமுகமாக இருக்கின்றன. இந்தியாவில் ரெட்மிபுக் மாடல்கள் விலை, சந்தையில் கடும் போட்டியை ஏற்படுத்தும் வகையில் நிர்ணயம் செய்யப்படும் என தெரிகிறது.

ஏற்கனவே பல்வேறு ரெட்மிபுக் மாடல்கள் சீனாவில் அறிமுகமாகி இருப்பதால், இந்தியாவில் எந்த மாடல் அறிமுகமாகும் என்பது கேள்விக்குறியாகவே உள்ளது.