ஆட்டோமொபைல்
மஹிந்திரா மராசோ

மஹிந்திரா மராசோ புது வேரியண்ட் வெளியீட்டு விவரம்

Published On 2021-05-15 09:54 GMT   |   Update On 2021-05-15 09:54 GMT
மஹிந்திரா நிறுவனம் இந்தியாவில் தனது இரு மாடல்களின் விற்பனை செய்வது பற்றி விளக்கம் அளித்து இருக்கிறது.


மஹிந்திரா நிறுவனத்தின் மராசோ மற்றும் கேயுவி100 மாடல்களின் விற்பனை இந்தியாவில் நிறுத்தப்பட இருப்பதாக தகவல்கள் வெளியாகி வந்தது. இந்த நிலையில், இரு மாடல்களின் விற்பனை நிறுத்தப்படாது என மஹிந்திரா அதிகாரப்பூர்வமாக அறிவித்து இருக்கிறது. 

விற்பனை சார்ந்த அறிவிப்பு மட்டுமின்றி, மராசோ மாடலுக்கான மிக முக்கிய அப்டேட் வழங்கப்பட இருப்பதையும் மஹிந்திரா தெரிவித்து இருக்கிறது. வரும் மாதங்களில் புது அப்டேட் பற்றிய அறிவிப்பு வெளியாகும் என தெரிகிறது.



முன்னதாக வெளியான தகவல்களில் மஹிந்திரா மராசோ மாடலின் ஆட்டோமேடிக் வேரியண்ட் அறிமுகம் செய்யப்பட இருப்பதாக கூறப்பட்டது. அந்த வகையில், தற்போதைய அறிவிப்பின் படி மராசோ ஆட்டோமேடிக் வேரியண்ட் விரைவில் அறிமுகம் செய்யப்படலாம் என எதிர்பார்க்கப்படுகிறது.

1.5 லிட்டர் டீசல் என்ஜினுடன் 6 ஸ்பீடு ஏஎம்டி யூனிட் வழங்கப்படலாம் என தெரிகிறது. முன்னதாக மராசோ டீசல் ஆட்டோமேடிக் வேரியண்ட் ஸ்பை படங்கள் பலமுறை வெளியாகி இருந்தது. இந்த மாடல் மூன்று வேரியண்ட்களில் கிடைக்கும் என கூறப்படுகிறது.
Tags:    

Similar News